തിരുവനന്തപുരം: നടി ആക്രമിക്കപ്പെട്ട കേസല് ദിലീപിന് അനുകൂലമായ വെളിപ്പെടുത്തലുകള് നടത്തിയ മുന് ഡിജിപി ആര്. ശ്രീലേഖയെ ക്രൈം ബ്രാഞ്ച് ചോദ്യം ചെയ്തേക്കും. ദിലീപ് വിഷയത്തില് ശ്രീലേഖയുടെ ആരോപണങ്ങള് വസ്തുതാവിരുദ്ധമെന്നും െ്രെകം ബ്രാഞ്ച് വ്യക്തമാക്കുന്നു. നടിയെ ആക്രമിച്ച കേസില് ദിലീപിനെതിരേ തെളിവില്ലെന്നായിരുന്നു മുന് ഡി.ജി.പി. ആര്. ശ്രീലേഖയുടെ വെളിപ്പെടുത്തല്. യൂ ട്യൂബ് ചാനലിലൂടെ വ്യക്തിപരമായ അഭിപ്രായമെന്ന രീതിയില് ആര്. ശ്രീലേഖ പ്രതികരണം നടത്തിയത്. ഇതു വലിയ വിവാദമായിരുന്നു. നടിയെ ആക്രമിച്ച സംഭവസമയത്ത് ജയില് മേധാവിയായിരുന്നു ആര്. ശ്രീലേഖ.
ദിലീപിനെതിരേ തെളിവു കിട്ടാത്തതുകൊണ്ടാണ് പോലീസ് രംഗത്ത് വന്നിട്ടുള്ളതെന്ന് മുന് ഡി.ജി.പി. പറയുന്നു. പള്സര് സുനിയെ അറസ്റ്റ് ചെയ്ത വേളയില് രണ്ടാഴ്ചയോളം പോലീസ് കസ്റ്റഡിയിലുണ്ടായിരുന്നിട്ടും പള്സര് സുനി ക്വട്ടേഷനായിരുന്നുവെന്ന് വെളിപ്പെടുത്തിയിരുന്നില്ല. സാധാരണഗതിയില് ഇത്രയുംനീണ്ട അന്വേഷണഘട്ടത്തില് പ്രതികള് ഇത്തരം കാര്യങ്ങള് വെളിപ്പെടുത്തേണ്ടതാണ്. പള്സര് സുനിക്കെതിരേ സിനിമാമേഖലയില് നിന്ന് പലര്ക്കും സമാനരീതിയിലുള്ള മോശം അനുഭവമുണ്ടായിട്ടുള്ളതായി തനിക്ക് അറിയാമെന്നും ശ്രീലേഖ പറഞ്ഞിരുന്നു.
