ലണ്ടന്: വിംബ്ള്ഡണ് വനിതാ സിംഗിള്സില് കിരീടം കസാഖിസ്ഥാന് താരം എലീന റെബെക്കാനയ്ക്ക്. എലീനയുടെ ആദ്യ ഗ്രാന്ഡ് സ്ളാം കിരീടമാണ്. ഫൈനലില് ടുണീഷ്യന് താരം ഒന്സ് ജാബ്യൂറിനെ പരാജയപ്പെടുത്തിയാണ് എലീന വിംബ്ള്ഡണ് കിരീടം സ്വന്തമാക്കിയത്. മൂന്ന് സെറ്റുകള് നീണ്ട പോരാട്ടത്തിനൊടുവിലാണ് എലീനയുടെ ജയം. സ്കോര്: 3-6, 6-2, 6-2.
ടൂര്ണമെന്റിലുടനീളം മികച്ച പ്രകടനം കാഴ്ചവെച്ച താരം കലാശപ്പോരിലും മികവ് ആവര്ത്തിച്ചു. ആദ്യ സെറ്റില് മികച്ച പോരാട്ടം നടത്തിയ ഒന്സ് എലീനയെ പ്രതിരോധത്തിലാക്കി. ഏകപക്ഷിയമായ പോരാട്ടമായിരുന്നു ഒന്സ് ആദ്യ സെറ്റില് കാഴ്ചവെച്ചത്. ഒന്സ് 3-6ന് സെറ്റ് നേടുകയും ചെയ്തു.
എന്നാല്, മറ്റ് രണ്ട് സെറ്റുകളിലും എലീന് ആധിപത്യം നേടി. ഒരിക്കല് പോലും തിരിച്ചടിക്കാനുള്ള അവസരം ഒന്സിന് എലീന നല്കിയില്ല. തുടര്ന്ന് മറ്റ് രണ്ട് സെറ്റുകള് സ്വന്തമാക്കി എലീന് വിംബ്ള്ഡണ് ഫൈനലില് ജയിക്കുകയായിരുന്നു. ആധുനിക കാലത്ത് ഒരു ഗ്രാന്ഡ് സ്ളാമിന്റെ ഫൈനലിലെത്തുന്ന ആദ്യ ആഫ്രിക്കന് വനിതയെന്ന നേട്ടം സ്വന്തമാക്കിയാണ് ടുണീഷ്യയുടെ ഒന്സ് ജാബ്യൂര് സെന്റര് കോര്ട്ടില് നിന്ന് മടങ്ങിയത്.
