തിരുവനന്തപുരം: സംസ്ഥാനത്തെ അവയവദാന ശസ്ത്രക്രിയാ സംവിധാനങ്ങള് ശക്തിപ്പെടുത്താന് തിരുവനന്തപുരം, കോട്ടയം, കോഴിക്കോട് മെഡിക്കല് കോളജുകള്ക്ക് ഒന്നര കോടി രൂപ അനുവദിച്ചു. തിരുവനന്തപുരം-55 ലക്ഷം, കോട്ടയം-50 ലക്ഷം, കോഴിക്കോട് – 45 ലക്ഷം എന്നിങ്ങനെയാണ് തുക.
തിരുവനന്തപുരം മെഡി. കോളജില് വെന്റിലേറ്റര്, മള്ട്ടിപാരമീറ്റര് മോണിറ്ററുകള്, പോര്ട്ടബിള് എബിജി അനലൈസര് മെഷീന്, 10 ഐസിയു കിടക്കകള്, സര്ജിക്കല് ഉപകരണങ്ങള് എന്നിവയ്ക്കും കോട്ടയം മെഡിക്കല് കോളജില് അനസ്തേഷ്യ വര്ക്ക്സ്റ്റേഷന്, കരള് മാറ്റിവയ്ക്കല് ശസ്ത്രക്രിയയ്ക്ക് വേണ്ടിയുള്ള ട്രാന്സ്പ്ലാന്റ് ഉപകരണങ്ങള്, ലാപ്രോസ്കോപ്പി സെറ്റ്, റിനല് ട്രാന്സ്പ്ലാന്റ് ഐസിയു ഉപകരണങ്ങള് എന്നിവയ്ക്കും, കോഴിക്കോട് മെഡിക്കല് കോളജില് സിആര്ആര്ടി മെഷീന്, പോര്ട്ടബിള് ഡയാലിസിസ് മെഷീന്, അള്ട്രാ ലോ ടെമ്പറേച്ചര് ഫ്രീസ് എന്നിവയ്ക്കുമാണ് തുക അനുവദിച്ചത്.
