കോട്ടയം: സ്കൂട്ടറും ബൈക്കും കൂട്ടിയിടിച്ച് ഉണ്ടായ അപകടത്തില് പരിക്കേറ്റ് ആശുപത്രിയില് കഴിഞ്ഞിരുന്ന വിദ്യാര്ത്ഥിനി മരിച്ചു.കോട്ടയം കൊല്ലാട് കളത്തില്ക്കടവില് വടവറയില് ആലിച്ചന്റെയും, സിസിലിയുടെയും മകള് അന്നു സാറാ ആലിയാണ്(17) മരിച്ചത്.കോട്ടയം ബേക്കര് സ്കൂലിലെ പ്ലസ് വണ് വിദ്യാര്ത്ഥിനിയാണ് അന്നു.
തിങ്കളാഴ്ച്ച രാവിലെ 8.45നാണ് അപകടം ഉണ്ടായത്.അന്നുവും സഹോദരന് അഡ്വിനും സഞ്ചരിച്ച സ്കൂട്ടറില് ബൈക്ക് ഇടിക്കുകയായിരുന്നു.ഇടിയുടെ ആഘാതത്തില് ഇവര് റോഡില് തെറിച്ചുവീണു.രണ്ടു പേര്ക്കും ഹെല്മറ്റ് ഉണ്ടായിരുന്നുവെങ്കിലും ഹെല്മെറ്റ് തകര്ന്നു പോയി.അന്നുവിനെ കോട്ടയം മെഡിക്കല് കോളേജിലും, അ്ഡ്വിനെ കോട്ടയത്തെ സ്വകാര്യ ആശുപത്രിയിലും പ്രവേശിപ്പിച്ചിരിക്കുകയായിരുന്നു.ഇവര് പരീക്ഷ എഴുതാന് പോവുകയായിരുന്നു.അഡ്വിന് കാലിനും. മുഖത്തും പരിക്കുണ്ട്.
മൃതദേഹം ബുധനാഴ്്ച്ച 12ന് കളത്തില്ക്കടവിലെ വീട്ടില് നിന്ന് കോട്ടയം ബേക്കര് സ്കൂളിലേക്ക് കൊണ്ടുവരും.കുട്ടികളുടെ അന്ത്യോപചാരത്തിന് ശേഷം മൂന്നിന് മുട്ടമ്പലം ദി പെന്തകോസ്തു മിഷന് സെമിത്തേരിയില് സംസ്കാരചടങ്ങ് നടക്കും.
