സുരഭി ലക്ഷ്മി പ്രധാന കഥാപാത്രത്തെ അവതരിപ്പിക്കുന്ന അനൂപ് മേനോന് സംവിധാനം ചെയ്യുന്ന ചിത്രം ‘പത്മ’ ജൂലായ് 15ന് തീയേറ്റര് റിലീസിങ്ങിന് ഒരുങ്ങി. പെന് ആന്റ് പേപ്പര് ക്രിയേഷന്സിന്റെ ബാനറില് എന്.എം ബാദുഷ, ഷിനോയ് മാത്യു എന്നിവര് ചേര്ന്നാണ് ചിത്രം തീയേറ്ററുകളില് എത്തിക്കുന്നത്.
അനൂപ് മേനോന് സ്റ്റോറീസിന്റെ ബാനറില് അനൂപ് മേനോന് തന്നെ നിര്മിക്കുന്ന ചിത്രത്തില് അനൂപ് മേനോന് തന്നെയാണ് നായകന്. ശങ്കര് രാമകൃഷ്ണന്, ശ്രുതി രജനികാന്ത്, മാലാ പാര്വതി, മറീന മൈക്കിള്, മുഹമ്മദ് ഫൈസല് തുടങ്ങിയ താരങ്ങളും ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ഇരുപതോളം പുതുമുഖ താരങ്ങളും ചിത്രത്തില് വേഷമിടുന്നുണ്ട്. ചിത്രത്തിന്റെതായി പുറത്തിറങ്ങിയ ടീസറുകളും പോസ്റ്ററുകളും സോഷ്യല് മീഡിയയില് വൈറലായിരുന്നു. നടി ശ്രുതി രജനികാന്തിന്റെ ടിക് ടോക് ഡാന്സ് ഉള്പ്പെടുത്തിയ ടീസര് ഏറെ ശ്രദ്ധ നേടുകയും ചെയ്തിരുന്നു.
കഥ, തിരക്കഥ, സംഭാഷണം ഒരുക്കുന്നതും അനൂപ് മേനോന് തന്നെയാണ്. മഹാദേവന് തമ്പി ഛായാഗ്രഹണവും സിയാന് ശ്രീജിത്ത് ചിത്രസംയോജനവും നിര്വഹിക്കുന്നു. പ്രോജക്ട് ഡിസൈനര്: ബാദുഷ, സംഗീതം: നിനോയ് വര്ഗ്ഗീസ്, കല: ദുന്ദു രഞ്ജീവ്, പ്രൊഡക്ഷന് കണ്ട്രോളര്: അനില് ജി, ഡിസൈന്: ആന്റണി സ്റ്റീഫന്, പി.ആര്.ഒ: പി. ശിവപ്രസാദ് എന്നിവരാണ് മറ്റ് അണിയറപ്രവര്ത്തകര്.
