രണ്‍ബീര്‍ കപൂറും ആല്യാഭട്ടും ഒന്നിക്കുന്ന ബിഗ് ബജറ്റ് ചിത്രം ബ്രഹ്മാസ്ത്രയുടെ ട്രെയിലര്‍ പുറത്ത്. നിര്‍മ്മാതാക്കളായ ധര്‍മ്മ പ്രൊഡക്ഷന്‍, സ്റ്റാര്‍ സ്റ്റുഡിയോസ് എന്നിവരുടെ യൂട്യൂബ് ചാനലിലൂടെയാണ് ട്രെയിലര്‍ റിലീസ് ചെയ്തത്. ട്രെയിലര്‍ പുറത്തുവന്ന് ഒരു മണിക്കൂര്‍ പിന്നിടുമ്പോള്‍ തന്നെ 20 ലക്ഷത്തോളം പേര്‍ കണ്ടുകഴിഞ്ഞു. ഹിന്ദി, തെലുങ്ക് ഭാഷകളിലാണ് ചിത്രം തീയറ്ററുകളില്‍ എത്തുന്നത്.
നിരവധി സീരീസുകളിലായി പുറത്തിറങ്ങുന്ന ബ്രഹാമാസ്ത്രയുടെ ആദ്യ ഭാഗം ശിവയുടെ ട്രെയിലറാണ് പുറത്തുവിട്ടിരിക്കുന്നത്. താരദമ്പതികള്‍ക്ക് പുറമെ അമിതാഭ് ബച്ചന്‍, നാഗാര്‍ജുന, മൗനി റോയ്, ഡിംപിള്‍ കപാഡ്യ, ദിവ്യേന്ദു ശര്‍മ്മ, ധ്രുവ് സെഹഗാള്‍, സൗരവ് ഗുജ്ജര്‍ തുടങ്ങിയവരും ചിത്രത്തില്‍ പ്രധാന വേഷമിടുന്നു. ഷാരുഖ് ഖാനും ഗസ്റ്റ് റോളില്‍ ചിത്രത്തില്‍ എത്തുന്നു.
അയന്‍ മുഖര്‍ജിയാണ് തിരക്കഥയെഴുതി സംവിധാനം ചെയ്യുന്നത്. 300 കോടി ചിലവില്‍ പുറത്തിറങ്ങുന്ന സിനിമ കരന്‍ ജോഹാര്‍, ഗിരു യാഷ് ജോഹാര്‍, രണ്‍ബീര്‍ കപൂര്‍, അയന്‍ മുഖര്‍ജി, അപൂര്‍വ മേഹ്ത, നമിത് മല്‍ഹോത്ര, മരിജികേ ഡിസൂസ എന്നിവര്‍ ചേര്‍ന്നാണ് നിര്‍മ്മിക്കുന്നത്. പങ്കജ് കുമാറാണ് ഛായാഗ്രഹണം. പ്രിതമാണ് ചിത്രത്തിലെ ഗാനങ്ങള്‍ക്ക് സംഗീതം ഒരുക്കിയിരിക്കുന്നത്.
സ്റ്റാര്‍ സ്റ്റുഡിയോസ് ആണ് വിതരണം. അന്തര്‍ദേശീയ തലത്തില്‍ വാള്‍ട്ട് ഡിസ്‌നി സ്റ്റുഡിയോസ് മോഷന്‍ പിക്‌ചേര്‍സും ബ്രഹ്മാസ്ത്രയെ തീയറ്ററുകളില്‍ എത്തിക്കും. സെപ്റ്റംബര്‍ ഒമ്പതിന് സിനിമ തീയറ്ററുകളില്‍ എത്തും.
പ്രതികരിക്കാൻ ഇവിടെ എഴുതുക: