ബെംഗളൂരു: പാര്‍ട്ടിക്കിടെ ലഹരി മരുന്ന് ഉപയോഗിച്ചു എന്ന സംശയത്തെത്തുടര്‍ന്ന് അറസ്റ്റിലായ സിദ്ധാന്ത് കപൂറിനും സുഹൃത്തുക്കള്‍ക്കും ജാമ്യം അനുവദിച്ചു.സമന്‍സ് ലഭിക്കുന്നതനുസരിച്ച് ഇവര്‍ പോലീസിന് മുന്നില്‍ ഹാജരാകണം.സിദ്ധാന്ത് കപൂറിനെയും സുഹൃത്തുക്കളെയും ഞായറാഴ്‌ച്ചയാണ് ബെംഗുളൂരു പോലീസ് കസ്റ്റഡിയില്‍ എടുത്തത്.
രഹസ്യ വിവരത്തിന്റെ അടിസ്ഥാനത്തില്‍ എംജി റോഡിലെ ഹോട്ടലില്‍ നടത്തിയ പരിശോധനയിലാണ് സിദ്ധാന്തും സുഹൃത്തുക്കളും പിടിയിലായത്.മയക്കുമരുന്നിന്റെ ഉപയോഗം സംശയിച്ച 35 പേരുടെ സാമ്പിളുകള്‍ പോലീസ് പരിശോധിച്ചു.പരിശോധനയില്‍ ചവറ്കുട്ടയ്‌ക്ക് സമീപം രണ്ട് പാക്കറ്റ് മയക്കുമരുന്ന് കണ്ടെത്തി.ഒന്നില്‍ പിങ്ക് നിറത്തിലുളള നാല് ഗുളികകളും, മറ്റൊന്നില്‍ നീലനിറത്തിലുളള മൂന്ന് ഗുളികകളും കണ്ടെത്തി.പ്രശസ്ത ബോളിവുഡ് നടന്‍ ശക്തികപൂറിന്റെ മകനും, നടി ശ്രദ്ധകപൂറിന്റെ സഹോദരനുമാണ് സിദ്ധാന്ത് കപൂര്‍.അദ്ദേഹം അറിയപ്പെടുന്ന നടന്‍കൂടിയാണ്.
