കൊച്ചി : വിവാഹശേഷം താരദമ്പതികളായ നയന്താരയും വിഗ്നേഷ് ശിവനും കൊച്ചിയിലെത്തി. നയന്താരയുടെ അമ്മയ്ക്ക് വിവാഹത്തില് പങ്കെടുക്കാന് സാധിച്ചിരുന്നില്ല. ഇതിനാല് അമ്മയെ കാണുന്നതിനും അനുഗ്രഹം വാങ്ങുന്നതിനുമാണ് ഇവര് കേരളത്തിലെത്തിയത്.
കൊച്ചി വിമാനത്താവളത്തിലാണ് ഉച്ചയ്ക്ക് 12 മണിയോടെ ഇരുവരും അവിടെനിന്നും തിരുവല്ലയിലേക്ക് പോയി. കറുപ്പ് നിറത്തിലുള്ള ഫുള് സ്ലീവ് ടീ ഷര്ട്ട് ധരിച്ചാണ് വിഗ്നേഷ് എത്തിയത്. ഓറഞ്ച് നിറത്തിലുള്ള ചുരിദാറിലാണ് നയന്താര വന്നത്.
ഇരുവരും മാധ്യമങ്ങളെ കാണുകയോ സംസാരിക്കുകയോ ചെയ്തില്ല. എത്രദിവസം കേരളത്തിലുണ്ടാവുമെന്നോ വ്യക്തതയില്ല. എന്നാല് ദമ്പതികള് കുറച്ചുദിവസം കേരളത്തിലുണ്ടാകുമെന്നാണ് വിവരം. കഴിഞ്ഞ വ്യാഴാഴ്ചയാണ് മഹാബലിപുരത്തുവെച്ച് വിഗ്നേഷ് ശിവനും നയന്താരയും വിവാഹിതരായത്. തുടര്ന്ന് ശനിയാഴ്ച മാധ്യമങ്ങളുമായി ഇരുവരും കൂടിക്കാഴ്ച നടത്തിയിരുന്നു.
