കുറുപ്പ് സിനിമയെ സംസ്ഥാന ചലച്ചിത്ര പുരസ്‌കാരത്തില്‍ പരിഗണിക്കാതിരുന്നതില്‍ പ്രതികരണവുമായി ദുല്‍ഖറിന് കത്തെഴുതി ഷൈന്‍ ടോം ചോക്കോ. ഷൈന്‍ നായകനായ ചിത്രം അടിയുമായി ബന്ധപ്പെട്ടാണ് ദുല്‍ഖറിന് കത്തെഴുതിയത്.
കഴിവുള്ളവരെ അഗണിക്കുന്നതിന്റെ വേദന കുറിപ്പിനെ പുരസ്‌കാരത്തില്‍ പരിഗണിക്കാതിരുന്നപ്പോള്‍ മനസ്സിലായിട്ടുണ്ടാകുമല്ലോ എന്ന് ദുല്‍ഖറിനോട് ഷൈന്‍ ടോം ചാക്കോ ചോദിക്കുന്നു. മറുപടി പ്രതീക്ഷിക്കുന്നതായും അദ്ദേഹം കുറിച്ചു.
ഷൈന്‍ ടോം ചാക്കോന്റെ കുറിപ്പ്
‘എന്റെ സുഹൃത്ത് ദുല്‍ഖര്‍ സല്‍മാന്. എന്റെ മനസ് മുഴുവന്‍ അര്‍പ്പിച്ചാണ് ഞാന്‍ ഈ സിനിമ ചെയ്തത്. അടി തിയേറ്ററില്‍ കാണാന്‍ കാത്തിരിക്കുകയാണ്. അഹാനയും ധ്രുവനും ഏറ്റവും മികച്ച പെര്‍ഫോമന്‍സാണ് ചിത്രത്തില്‍ കാഴ്ച വെച്ചത്. രതീഷിന്റെ മികച്ച സ്‌ക്രിപ്റ്റും. കഴിവിനെ അവഗണിക്കുമ്പോഴുള്ള വേദന അറിയാമല്ലോ, സംസ്ഥാന ഫിലിം അവാര്‍ഡ് കമ്മിറ്റി നമ്മുടെ കുറുപ്പിനെ അവഗണിച്ചതു പോലെ. എന്റെ സുഹൃത്തില്‍ നിന്നും ഒരു മറുപടി പ്രതീക്ഷിക്കുന്നു,’ ഷൈന്‍ കുറിച്ചു.
