തിരുവനന്തപുരം: ദേശീയ വാര്ത്ത ചാനല് ചര്ച്ചയ്ക്കിടെ ബിജെപി വക്താവ് നൂപുര് ശര്മ പ്രവാചകനെതിരെ നടത്തിയ പരാര്ശത്തില് ഇന്ത്യ മാപ്പു പറയേണ്ടതില്ലെന്നു ഗവര്ണര് ആരിഫ് മുഹമ്മദ് ഖാന്. ഇന്ത്യ എല്ലാവരെയും ഉള്ക്കൊള്ളുന്ന രാജ്യമാണെന്നും പ്രധാനമന്ത്രിയും ആര്എസ്എസ് തലവനും പലതവണ ഇക്കാര്യം വ്യക്തമാക്കിയിട്ടുണ്ടെന്നും ആരിഫ് മുഹമ്മദ് ഖാന് പറഞ്ഞു. കശ്മീര് വിഷയത്തിലടക്കം പല രാജ്യങ്ങളും പലതും പറയുന്നു, അതൊന്നും ഇന്ത്യയെ ബാധിക്കാറില്ലെന്നും ആരിഫ് മുഹമ്മദ് ഖാന് പറഞ്ഞു.
വിവാദ പരാമര്ശം നടത്തിയ വക്താവ് നൂപുര് ശര്മയെ ബിജെപിയുടെ പ്രാഥമികാംഗത്വത്തില്നിന്ന് സസ്പെന്ഡ് ചെയ്യുകയും ഡല്ഹി ഘടകം മാധ്യമ വിഭാഗം ചുമതലക്കാരന് നവീന് കുമാര് ജിന്ഡാലിനെ പുറത്താക്കുകയും ചെയ്തു. പരാമര്ശം നടത്തിയവര്ക്കെതിരെയുള്ള അച്ചടക്കനടപടിയെ സ്വാഗതം ചെയ്തെങ്കിലും ഇന്ത്യന് സര്ക്കാര് ക്ഷമാപണം നടത്തണമെന്ന്് ഖത്തര് ആവശ്യപ്പെട്ടിരുന്നു.
ആഗോള തലത്തിലുള്ള മുസ്ലിം സമൂഹത്തെ വേദനിപ്പിക്കുന്നതാണു പരമാര്ശമെന്നും വിവാദ പരാമര്ശങ്ങളില് ഇന്ത്യന് സര്ക്കാര് പരസ്യമായ ക്ഷമാപണം നടത്തുമെന്നാണു പ്രതീക്ഷയെന്നും ഖത്തര് വിദേശകാര്യ മന്ത്രാലയം വ്യക്തമാക്കിയിരുന്നു പ്രവാചകനെ നിന്ദിച്ചുവെന്നാരോപിച്ചു യുപിയിലെ കാന്പുരില് സംഘര്ഷവും പൊട്ടിപ്പുറപ്പെട്ടിരുന്നു.
