ന്യൂദല്ഹി: കോണ്ഗ്രസ് ഇടക്കാല അദ്ധ്യക്ഷ സോണിയ ഗാന്ധിയേയും മകനും കോണ്ഗ്രസ് നേതാവുമായ രാഹുല് ഗാന്ധിയേയും എന്ഫോഴ്മെന്റ് ഡയറക്റ്ററേറ്റ് ചോദ്യം ചെയ്യിം. നാഷണല് ഹെറാള്ഡ് കേസിലാണ് നടപടി. ചോദ്യം ചെയ്യലിന് ഹാജരാകണമെന്ന് ഇഡി നോട്ടീസില് ആവശ്യപ്പെട്ടു. ജവാഹര്ലാല് നെഹ്രു 1937ല് സ്ഥാപിച്ച നാഷണല് ഹെറാള്ഡ് പത്രത്തിന്റെ ഉടമകളായ അസോസിയേറ്റഡ് ജേര്ണല്സ് ലിമിറ്റഡിനെ (എ.ജെ.എല്.) പുതുതായുണ്ടാക്കിയ യങ് ഇന്ത്യ കമ്പനി ഏറ്റെടുത്തതില് അഴിമതിയും സാമ്പത്തിക തിരിമറിയുമുണ്ടെന്നുമാണ് കേസ്.
സോണിയാ ഗാന്ധിയും രാഹുല് ഗാന്ധിയും അവരുടെ വിധേയരും ചേര്ന്ന് ആയിരക്കണക്കിന് കോടിയുടെ ഭൂസ്വത്തുള്ള എ.ജെ.എല്. കമ്പനിയെ യങ് ഇന്ത്യന് എന്നൊരു കമ്പനിയുണ്ടാക്കി തട്ടിയെടുത്തുവെന്ന് ആരോപിച്ച് സുബ്രഹ്മണ്യ സ്വാമിയാണ് പരാതി നല്കിയത്. 1,600 കോടി രൂപ മതിക്കുന്ന ഡല്ഹിയിലെ ഹെറാള്ഡ് ഹൗസ് വെറും 50 ലക്ഷം രൂപയ്ക്കാണ് ഇവര് സ്വന്തമാക്കിയെതെന്നും സുബ്രഹ്മണ്യന് സ്വാമി ആരോപിക്കുന്നു. 2012 നവംബറിലാണ് ഇദ്ദേഹം പരാതിയുമായി രംഗത്തെത്തിയത്. നോട്ടീസിന് പിന്നാലെ ഞങ്ങള് ഭയപ്പെടില്ലെന്നും തളരില്ലെന്നും പോരാടുമെന്നും കോണ്ഗ്രസ് വക്താവ് രണ്ദീപ് സുര്ജേവാല പ്രതികരിച്ചു.
