ലൈക്ക പ്രൊഡക്ഷന്റെ ബാനറില് ശിവകാര്ത്തികേയന് നായകന് ആകുന്ന ഫാമിലി എന്റര്ടെയ്നര് ഡോണ് മേയ് 13ന് കേരളത്തിലെ തിയേറ്ററുകളിലെത്തി. ആര്ആര്ആര് സിനിമയുടെ ഗംഭീര വിജയത്തിന് ശേഷം ഷിബു തമീന്സ് നേതൃത്വം നല്കുന്ന റിയാ ഷിബുവിന്റെ എച്ച്. ആര്. പിക്ചേഴ്സ് ആണ് കേരളത്തില് വിതരണത്തിന് എത്തിക്കുന്നത്. ഡോക്ടര് എന്ന ചിത്രത്തിന്റെ വന് വിജയത്തിന് ശേഷം ശിവകാര്ത്തികേയന്റെ പുതിയ ചിത്രം ഡോണ്, ഏറെ പ്രതീക്ഷയോടെയാണ് പ്രേക്ഷകര് കാത്തിരിക്കുന്നത്.
നവാഗതനായ സിബി ചക്രവര്ത്തി സംവിധാനം ചെയ്യുന്ന ചിത്രത്തിന്റെ ട്രെയിലറിന് ഗംഭീര പ്രതികരണമാണ് ലഭിക്കുന്നത്. സുഭാസ്ക്കരനും ശിവകാര്ത്തികേയനുമാണ് ചിത്രത്തിന്റെ നിര്മാണം. മാനാട് സിനിമയില് ചിമ്പുവിനോട് ഒപ്പം ഒന്നിനൊന്നു മികച്ച അഭിനയ മികവ് കാഴ്ചവച്ച എസ്. ജെ. സൂര്യ ഡോണിലും പ്രതീക്ഷകള്ക്കപ്പുറം പ്രകടനം നടത്തുമെന്നാണ് ട്രെയിലര് സൂചിപ്പിക്കുന്നത്.
ഭാവിയിലെന്തായി തീരണമെന്ന് കണ്ഫ്യൂഷനടിച്ചു നടക്കുന്ന നായകന്റെ സ്കൂള് കാലഘട്ടവും പ്രണയവും കാമ്പസ് ജീവിതവുമെല്ലാം ഉള്പ്പെടുത്തി കളര്ഫുള്ളായാണ് ട്രെയിലര് അണിയിച്ചൊരുക്കിയിരിക്കുന്നത്. സോണി മ്യൂസിക് സൗത്തം് യൂട്യൂബ് ചാനലിലൂടെയാണ് ട്രെയിലര് പുറത്ത് വിട്ടിരിക്കുന്നത്. ഡോണിന്റെ ട്രെയിലറിന് രണ്ടു ദിവസം കൊണ്ട് 91 ലക്ഷം കാഴ്ചക്കാരുമായി ട്രെന്ഡിങ്ങില് ആണ്.
