പത്തനംതിട്ട: ഇടവമാസ പൂജകള്ക്കായി ശബരിമല ക്ഷേത്ര നട തുറന്നു. ഇന്നലെ വൈകിട്ട് അഞ്ചിന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി എന്. പരമേശ്വരന് നമ്പൂതിരി നട തുറന്ന് ദീപം തെളിച്ച് ഭക്തജന സാന്നിധ്യം ഭഗവാനെ അറിയിച്ചു.
തുടര്ന്ന് ഉപദേവാലയങ്ങളില് ദീപം തെളിച്ചു. പതിനെട്ടാം പടിയിറങ്ങി മഹാആഴിയിലും മേല്ശാന്തി അഗ്നി പകര്ന്നു. നിരവധി ഭക്തരാണ് ദര്ശനത്തിനെത്തിയത്. ഇന്നലെ പ്രത്യേക പൂജകള് ഉണ്ടായിരുന്നില്ല. പൂജകള് പൂര്ത്തിയാക്കി 19ന് രാത്രി 10ന് നടയടയ്ക്കും.
