തിരുവനന്തപുരം: കെ വി തോമസിനെ പാര്ട്ടിയില് നിന്ന് കോണ്ഗ്രസ് Â പുറത്താക്കി. എഐസിസി അനുമതിയോടെയാണ് കെ വി തോമസിനെ പുറത്താക്കിയതെന്നും കെ പി സി സി അധ്യക്ഷന് കെ സുധാകരന് അറിയിച്ചു. തൃക്കാക്കരയിലെ ഇടത് മുന്നണിയുടെ തെരഞ്ഞെടുപ്പ് കണ്വെന്ഷന് വേദിയിലെത്തിതിന് പിന്നാലെയാണ് Â പുറത്താക്കല്
എല്ഡിഎഫ് കണ്വെന്ഷനില് മുഖ്യമന്ത്രിയുടെ ഉദ്ഘാടന പ്രസംഗത്തിനിടെയാണ് കെ വി തോമസ് Â ഇടത് മുന്നണിയുടെ വേദിയിലെത്തിയത്. മുഖ്യമന്ത്രി പിണറായി വിജയനാണ് കെ വി തോമസിനെ വേദിയിലേക്ക് സ്വാഗതം ചെയ്തത്. എല്ഡിഎഫ് കണ്വീനര് ഇ പി ജയരാജന് കെ വി തോമസിനെ ഷാള് അണിയിച്ച് സ്വീകരിച്ചു. എല്ഡിഎഫ് വേദിയിലെത്തിയ കെ വി തോമസ് മുഖ്യമന്ത്രി പിണറായി വിജയനെ വാനോളം പുകഴ്ത്തുകയും ചെയ്തിരുന്നു. ഇന്ത്യയെ നയിക്കാന് കഴിവുള്ള വ്യക്തിയാണ് മുഖ്യമന്ത്രിയെന്ന് കെ വി തോമസ് കണ്വെന്ഷനില് പറഞ്ഞു. കേരളത്തിന്റെ വികസനത്തിന് കെ റെയില് ആവശ്യമാണ്. ഇത്തരം പദ്ധതികള് വരുമ്പോള് പ്രതിസന്ധികള് സാധാരണമാണ്. ഉമ്മന് ചാണ്ടി വൈറ്റില കല്ലിട്ടു, കുണ്ടന്നൂര് കല്ലിട്ടു, പക്ഷെ പിണറായി അവിടെ മേല്പ്പാലം പണിതു. എന്നൊക്കെയായിരുന്നു തോമസിന്റെ വാക്കുകള്
Â
