ലഖ്നോ:ഭാരതത്തിന്റെ സനാതന ധര്മ്മം ശരിയായ വിദ്യാഭ്യാസത്തിലൂടെ പുനസ്ഥാപിക്കണമെന്നും പുരാതന ഭാരതീയ സംസ്കാരം പുനരുജ്ജീവിപ്പിക്കണമെന്നും കേരള ഗവര്ണര് ആരിഫ് മുഹമ്മദ് ഖാന്. ഉത്തര്പ്രദേശിലെ ഷജഹാന്പൂരിലെ കലന് ബ്ലോക്കില് ഒരു സ്കൂള് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സനാതനധര്മ്മം ശരിയായ വിദ്യാഭ്യാസത്തിലൂടെ വേണം പുനരുജ്ജീവിപ്പിക്കാന്. ഭാരതത്തിന്റെ പുരാതന സംസ്കാരം പുനരുജ്ജീവിപ്പിക്കുന്നത് പഴയ കാലത്തേക്ക് മടങ്ങിപ്പോകാനല്ല പകരം സനാതനമൂല്യങ്ങള് മടക്കിക്കൊണ്ടുവരാനാണ്. ഇത് വിദ്യാഭ്യാസത്തിന്റെ സഹായം കൂടാതെ സാധിക്കില്ല.- ഗവര്ണര് പറഞ്ഞു. Â
വിദ്യാഭ്യാസത്തിന്റെ ലക്ഷ്യം വിജ്ഞാനം നേടലാണെന്നും വിജ്ഞാനത്തിന്റെ ഫലം വിനയമാണെന്നും സ്വാമി വിവേകാനന്ദനെ ഉദ്ധരിച്ച് ആരിഫ് ഖാന് പറഞ്ഞു. വിനയമുള്ളവരെ അവഗണിക്കാന് കഴിയില്ലെന്നും അദ്ദേഹം പറഞ്ഞു.Â
