തിരുവനന്തപുരം : സംസ്ഥാനത്ത വൈദ്യുതി നിയന്ത്രണം കെഎസ്ഇബി പൂര്ണമായി ഒഴിവാക്കി. ശനിയാഴ്ച നിയന്ത്രണം ഉണ്ടായിരുന്നില്ല. ഇന്നും ലോഡ് നിയന്ത്രണമില്ല. അരുണാചല് പ്രദേശ് പവര് ട്രേഡിങ് കോര്പ്പറേഷന്, ഓഫര് ചെയ്തിട്ടുള്ള 550 മെഗാവാട്ട് കരാര് മുമ്പുള്ളതിലും താഴ്ന്ന നിരക്കില് സ്വീകരിക്കാനും, വൈദ്യുതി മെയ് മൂന്ന് മുതല് ലഭ്യമാക്കി തുടങ്ങാനും തീരുമാനിച്ചതോടെയാണ് നിയന്ത്രണം ഒഴിവാക്കിയത്.
ഇത് കൂടാതെ പ്രതിസന്ധി ഒഴിവാക്കുന്നതിനായി പവര് എക്സ്ചേഞ്ച് ഇന്ഡ്യ ലിമിറ്റഡ് മുഖേന 100 മെഗാവാട്ട് കൂടി കരാര് ചെയ്യുവാന് ലോഡ് ഡിസ്പാച്ച് സെന്ററിനെ ചുമതലപ്പെടുത്തിയിട്ടുണ്ട്. അതേസമയം ഊര്ജ്ജ ഉപഭോഗം കൂടിയ വൈദ്യുതി ഉപകരണങ്ങള് വൈകീട്ട് 6 മുതല് 11 വരെ പരമാവധി ഒഴിവാക്കാന് കെഎസ്ഇബി അഭ്യര്ത്ഥിച്ചിട്ടുണ്ട്.
പീക്ക് അവറിലെ ക്ഷാമം മറികടക്കാന് യൂണിറ്റിന് 20 രൂപ നിരക്കില് 250 മെഗാവാട്ട് അധിക വൈദ്യുതി മെയ് 31 വരെ വാങ്ങും. പ്രതിദിനം 1.5 കോടിയോളം അധിക ബാധ്യതയുണ്ടാകും. നല്ലളം ഡീസല് നിലയവും പെരിങ്ങല്കുത്തും 65 മെഗാവാട്ടോളം വൈദ്യുതി റപ്പാക്കുന്നു.ബാങ്കിംഗ് സ്വാപ് ടെണ്ടര് മുഖേന 100 മെഗാവാട്ടും ഉറപ്പാക്കി സാഹചര്യത്തില് വൈദ്യുതി നിയന്ത്രണം വേണ്ടിവരില്ല.
