മോഹന്ലാലിനെ നായകനാക്കി വി എ ശ്രീകുമാര് സംവിധാനം ചെയ്ത് ഏറെ ചര്ച്ചയായ സിനിമ ഓടിയന് ഹിന്ദിയിലേക്കും എത്തുന്നു. ഹിന്ദിയിലേക്ക് ‘ഒടിയന്’ ചിത്രം മൊഴി മാറ്റിയിട്ടാണ് എത്തുക. ‘ഒടിയന്’ എന്ന ചിത്രത്തിന്റെ ഹിന്ദി ഡബ്ബ് പതിപ്പിന്റെ ട്രെയിലറും പുറത്തുവിട്ടു.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മിച്ചത്. കെ ഹരികൃഷ്ണനാണ് ചിത്രത്തിന്റെ തിരക്കഥ എഴുതിയത്. കേരളത്തില് റിലീസ് ദിവസം ഏറ്റവും കളക്ഷന് നേടുന്ന രണ്ടാമത്തെ ചിത്രവുമാണ് ‘ഒടിയന്’. ‘കെജിഎഫ് രണ്ട്’ എത്തും വരെ ഒടിയന് തന്നെയായിരുന്നു മുന്നില്. നൂറ് കോടി ക്ലബിലെത്തിയ സിനിമ കൂടിയാണ് ‘ഒടിയന്’. മഞ്ജു വാര്യര്, പ്രകാശ് രാജ്, ഇന്നസെന്റ്, സിദ്ദിഖ്, കൈലാഷ് തുടങ്ങി ഒട്ടേറെ താരങ്ങള് ചിത്രത്തിലുണ്ടായിരുന്നു. പെന് മൂവിസിന്റെ യുട്യൂബ് ചാനല് വഴിയാണ് ട്രെയ്ലര് റിലീസ് ചെയ്തത്.
