പി.കെ. സദാശിവന്പിള്ള
മേടക്കൂറ്: അശ്വതി, ഭരണി, കാര്ത്തിക (1/4)
ബിസിനസില് വന്ന വിഷമങ്ങള് പരിഹരിക്കും. കുടുംബത്തില് സുഖവും ശ്രേയസ്സും വര്ധിക്കും. വ്യവഹാരങ്ങള് മധ്യസ്ഥര് മുഖാന്തരം പരിഹരിക്കും. പഠനത്തില് പുരോഗതിയുണ്ടാകും. ഷെയര് കച്ചവടത്തിന് അനുകൂലമല്ല. റിസര്ച്ച് വിദ്യാര്ത്ഥികള്ക്ക് മെച്ചപ്പെട്ട സമയമാണ്. സന്താനങ്ങളുടെ വിവാഹ കാര്യത്തില് തീരുമാനമെടുക്കും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
സന്താനങ്ങളെ ഉന്നതപദവിയില് ഉള്ളവര്ക്ക് വിവാഹം കഴിച്ചുകൊടുക്കാന് കഴിയും. രാഷ്ട്രീയക്കാര്ക്ക് അനുകൂല സമയമാണ്. പുതിയതായി ജോലിക്ക് ശ്രമിക്കുന്നവര്ക്ക് ആഗ്രഹം സാധിക്കും. വിദേശത്തുള്ളവര്ക്ക് പലവിധനേട്ടങ്ങളുമുണ്ടാകും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
ഔദ്യോഗിക ജീവിതത്തില് ചില പ്രശ്നങ്ങള് വന്നുചേരും. മറ്റുള്ളവരുടെ ചതിയില് അകപ്പെടാതിരിക്കാന് പ്രത്യേകം ശ്രദ്ധിക്കണം. ശസ്ത്രക്രിയ തുടങ്ങിയ കാര്യങ്ങള് ചെയ്യേണ്ടതായി വരും. എന്നാലും ആരോഗ്യനില തൃപ്തികരമായിരിക്കും.
കര്ക്കടകക്കൂറ്: പുണര്തം (1/4), പൂയം, ആയില്യം
കുടുംബത്തില് സുഖവും ശ്രേയസ്സും വര്ധിക്കും. മറ്റുള്ളവരുടെ ആദരവിന് പാത്രീഭവിക്കും. സര്ക്കാരില്നിന്ന് സമ്മാനങ്ങളും പ്രശസ്തി പത്രവും ലഭിക്കാനിടയുണ്ട്.
ചിങ്ങക്കൂറ്: മകം, പൂരം, ഉത്രം (1/4)
കടബാധ്യതകള് കൂടി വരാനുള്ള സാധ്യതയുണ്ട്. വര്ക്ക്ഷോപ്പുകളും മറ്റുമായി ബന്ധപ്പെട്ട യന്ത്ര സാമഗ്രികള്ക്ക് പണം മുടക്കേണ്ടിവരും. പത്രപ്രവര്ത്തകര്ക്കും ഗ്രന്ഥകാരന്മാര്ക്കും ഈ സന്ദര്ഭം അനുകൂലമാണ്.
കന്നിക്കൂറ്: ഉത്രം (3/4), അത്തം, ചിത്തിര (1/2)
ഭൂമി ക്രയവിക്രയങ്ങള് നടത്തിയെന്നു വരാം. വിദ്യാഭ്യാസപരമായി ഉയര്ച്ചയുണ്ടാകും. പല സന്ദര്ഭങ്ങളിലും വൈകാരിക തീവ്രത പ്രദര്ശിപ്പിക്കും. ഉദ്യോഗത്തില് കൂടുതല് ഉത്തരവാദിത്വം ഏര്പ്പെടുത്തേണ്ടി വരും.
തുലാക്കൂറ്: ചിത്തിര (1/2), ചോതി, വിശാഖം (3/4)
ദൂരയാത്രകള് ആവശ്യമായി വന്നേക്കാം. ഭൂമി വാങ്ങിക്കും. എല്ലാ പ്രവൃത്തിയിലും നിയന്ത്രണവും മിതത്വവും നിലനിര്ത്തും. ശത്രുക്കളെ പരാജയപ്പെടുത്താന് സാധിക്കും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
വസ്തുക്കള് പണയപ്പെടുത്തി സാമ്പത്തിക വിഷമത പരിഹരിക്കും. പണം വേണ്ടത്ര വകതിരിവോടെ ചെലവാക്കിയെന്ന് വരില്ല. സെയില്സ്മാന്, റപ്രസെന്റേറ്റീവ് തുടങ്ങിയവരുടെ വരുമാനം വര്ധിക്കും.
ധനുക്കൂറ്: മൂലം, പൂരാടം, ഉത്രാടം (1/4)
വീട് പണിയിക്കുകയോ മോടിപ്പെടുത്തുകയോ ചെയ്യും. ധനവും ഐശ്വര്യവും കൂടി വരും. പുതിയ വ്യക്തികളുമായി സൗഹൃദം പുലര്ത്തും. എന്നാല് ഇവരുമായി സാമ്പത്തിക കാര്യത്തില് ഇടപെടാന് പാടില്ല.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
താമസസ്ഥലത്തിന് തൊട്ടുള്ള ഭൂമി അധീനതയില് വന്നുചേരും. സര്ക്കാര് ആനുകൂല്യങ്ങള് ലഭിക്കും. കരാര് മുഖേനയോ എഗ്രിമെന്റ് മുഖേനയോ പണം കൈവശം വന്നുചേരും. ദൂരയാത്രകള് ചെയ്യേണ്ടതായി വരും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ബിസിനസ്സില് വേണ്ടത്ര പുരോഗതിയുണ്ടാകില്ല. ധാന്യങ്ങളും മറ്റും ശേഖരിച്ചു വയ്ക്കുന്നതില് കഴിവു കാണിക്കും. മത്സര പരീക്ഷകളിലും ഊഹക്കച്ചവടങ്ങളിലും വിജയം കൈവരിക്കും. കര്മസ്ഥാനം മോടിപിടിപ്പിക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
പരിശ്രമങ്ങള് പലതും വിജയം കാണില്ല. വീട്ടില് കള്ളന്മാരുടെ ശല്യമുണ്ടാകും. കലാരംഗങ്ങളില് പ്രവര്ത്തിക്കുന്നവര് വളരെ ശോഭിക്കും. മനോരോഗികള്ക്ക് രോഗം കൂടിയേക്കും. ക്ഷേത്ര ദര്ശനം, പുണ്യസ്നാനം എന്നിവ നടത്തിയേക്കും. ധാര്മിക പ്രവര്ത്തനങ്ങളിലേര്പ്പെടാന് ഇടവരുന്നതാണ്.
