പ്രമുഖ സംവിധായകരുടെ സംവിധാന സഹായിയായ രൂപേഷ് ആദ്യമായി സംവിധാനം ചെയ്യുന്ന ‘കരുണ’ എന്ന ചിത്രത്തിന്റെ പൂജാ ചടങ്ങും സ്വിച്ചോണ് കര്മ്മവും കോഴിക്കോട്, അത്താണിക്കല് ബീച്ചില് വെച്ച് നിര്വ്വഹിച്ചു.
‘കറുത്ത പക്ഷികള്’ എന്ന ചിത്രത്തിലൂടെ ശ്രദ്ധേയയായി, ബാല നടിക്കുള്ള സംസ്ഥാന അവാര്ഡ് നേടിയ മാളവിക നായര് പ്രധാന കഥാപാത്രത്തെ അവതരിപ്പിക്കുന്ന ‘കരുണ’യില് പുതുമുഖം ബാസിദ്, നിര്മ്മല് പാലാഴി, ജയകൃഷ്ണന്,സന്തോഷ് കീഴാറ്റൂര്,ടോണി തുടങ്ങിയവരും അഭിനയിക്കുന്നു. ഛായാഗ്രഹണം വിനോദ് ജി മധു നിര്വ്വഹിക്കുന്നു.
ഗുഡ് ഹോപ്സ് ഫിലിംസിന്റെ ബാനറില് മഞ്ജുഷ് നിര്മിക്കുന്ന കരുണ എന്ന ചിത്രത്തിന്റെ രചന രൂപേഷ്, മഞ്ജുഷ് എന്നിവര് ചേര്ന്ന് നിര്വ്വഹിക്കുന്നു. വിനോദ് ജി. മധു ഛായാഗ്രാഹണം നിര്വ്വഹിക്കുന്നു.
ഡോ. മിനി രൂപേഷ് എഴുതിയ വരികള്ക്ക് മോഹന് സിത്താര സംഗീതം പകരുന്നു. എഡിറ്റര്-ശ്യാം ശശിധരന്. പ്രൊഡക്ഷന് കണ്ട്രോളര്- തോബിയാസ്, പിആര്ഒ- എ.എസ്. ദിനേശ്. കോഴിക്കോട് പരിസര പ്രദേശങ്ങളിലായി ‘കരുണ’യുടെ ചിത്രീകരണം പുരോഗമിക്കുന്നു.
