ന്യൂദല്ഹി: ബംഗളൂരു ലഹരി ഇടപാടിലെ കള്ളപ്പണം വെളുപ്പിക്കല് കേസില് ബിനീഷ് കോടിയേരി വ്യക്തമായ തെളിവുകള് ഉണ്ടെന്ന് എന്ഫോഴ്മെന്റ് ഡയറക്റ്ററേറ്റ്. അതിനാല്, ബിനീഷിന്റെ ജാമ്യം റദ്ദാക്കണമെന്ന് സുപ്രീം കോടതി ഇഡി അറിയിച്ചു. ബംഗളുരുവിലെ ഇഡി ഡെപ്യുട്ടി ഡയറക്റ്ററാണ് സുപ്രീം കോടതിയില് ഹര്ജി ഫയല് ചെയ്തത്. അഡീഷണല് സോളിസിറ്റര് ജനറല് തലത്തിലുള്ള ഉദ്യോഗസ്ഥരുമായി ചര്ച്ച ചെയ്ത ശേഷമാണ് അപ്പീല് ഫയല് ചെയ്തത്. ജാമ്യം അനുവദിച്ച് കൊണ്ട് ഹൈക്കോടതി പുറപ്പെടുവിച്ച ഉത്തരവിലെ ചില പരാമര്ശങ്ങള് വിചാരണയെ ബാധിക്കുമെന്നാണ് ഇഡി വ്യക്തമാക്കുന്നത്.
കഴിഞ്ഞ വര്ഷം ഒക്ടോബറിലാണ് ബിനീഷ് കോടിയേരിക്ക് കര്ണാടക ഹൈക്കോടതി ജാമ്യം അനുവദിച്ചത്. ഈ ഉത്തരവ് റദ്ദാക്കണമെന്ന് ആവശ്യപ്പെട്ടാണ് ഇഡി ഡെപ്യുട്ടി ഡയറക്ടര് സുപ്രീം കോടതിയില് അപ്പീല് ഫയല് ചെയ്തിരിക്കുന്നത്. കേന്ദ്ര ഏജന്സിയുടെ അഭിഭാഷകന് മുകേഷ് കുമാര് മാറോറിയാണ് സുപ്രീം കോടതിയില് അപ്പീല് ഫയല് ചെയ്തിരിക്കുന്നത്.
