തിരുവനന്തപുരം: ചാക്കയില് കൊലക്കേസ് പ്രതിയെ കാറിടിപ്പിച്ച് കൊന്നു. വള്ളക്കടവ് സ്വദേശി സുമേഷ് ആണ് കൊല്ലപ്പെട്ടത്. സംഭവത്തില് കാട്ടാക്കട സ്വദേശികളായ മൂന്നുപേരെ പോലീസ് കസ്റ്റഡയിലെടുത്തു.
ഇന്നലെ രാത്രി ചാക്ക ബൈപ്പാസിലാണ് സംഭവം. ബാറില് വെച്ചുണ്ടായ അടിപിടിയെ തുടര്ന്നാണ് കൊലപാതകം. കാരാളി അനൂപിനെ കൊലപ്പെടുത്തിയ കേസിലെ പ്രതിയാണ് കൊല്ലപ്പെട്ട സുമേഷ്. ഇരുചക്രവാഹനത്തില് യാത്ര ചെയ്യുകയായിരുന്ന സുമേഷ് കാറിടിച്ച് തല്ക്ഷണം മരിക്കുകയായിരുന്നു. ഒപ്പമുണ്ടായിരുന്ന സുഹൃത്തിന് ഗുരുതര പരിക്കേറ്റിരുന്നു.
വാഹന അപകടമാണെന്ന വിലയിരുത്തലിലാണ് പോലീസ് കേസെടുത്ത് അന്വേഷണം ആരംഭിച്ചത്. തുടര്ന്നാണ് മരിച്ച സുമേഷ് കൊലക്കേസ് പ്രതിയാണെന്നു പോലീസ് മനസിലാക്കിയത്. ഇതോടെയാണ് വിശദമായ അന്വേഷണം ആരംഭിച്ചത്. തുടര്ന്ന് സംഭവം അപകടമരണമല്ലെന്നും കൊലപാതകമാണെന്നും പോലീസ് കണ്ടെത്തുകയായിരുന്നു. സുമേഷിനെ ഇടിച്ചിട്ട വാഹനം കണ്ടെത്തി.
