കൊല്ക്കത്ത: ഐ ലീഗ് പോയിന്റ് നിലയില് ഒന്നാം സ്ഥാനം ലക്ഷ്യമിട്ട് ഗോകുലം കേരള എഫ്സി കളിക്കളത്തിലിറങ്ങുന്നു. ഐ ലീഗില് നിലവിലെ ചാമ്പ്യന്മാരായ ഗോകുലം കേരള എഫ്സി നാളെ ട്രാവുവിനെ നേരിടും. കല്യാണി സ്റ്റേഡിയത്തില് വൈകിട്ട്് 4.30 ന് കളി തുടങ്ങും. തോല്വിയറിയാതെ കുതിക്കുന്ന ഗോകുലം നാലു മത്സരങ്ങളില് പത്ത് പോയിന്റുമായി രണ്ടാം സ്ഥാനത്താണ്. ഇന്നു വിജയിച്ചാല് അവര്ക്ക് ഒന്നാം സ്ഥാനത്തേക്ക് മുന്നേറാം. കളിച്ച നാലു മത്സരങ്ങളിലും വിജയം നേടിയ ഗോകുലം ഒരു മത്സരത്തില് സമനിലയും നേടി.
അവസാന മത്സരത്തില് കെങ്കെറ എഫ്സിയെ രണ്ടിനെതിരെ ആറു ഗോളുകള്ക്ക് തകര്ത്തുവിട്ടതിന്റെ ആവേശത്തിലാണ് ഗോകുലം കളിക്കാനിറങ്ങുന്നത്. ട്രാവുവിനെ മറികടക്കാമെന്ന പ്രതീക്ഷയിലാണ് ഗോകുലം. അഞ്ചു മത്സരങ്ങളില് രണ്ട് ജയവും രണ്ട് തോല്വിയും ഒരു സമനിലയും ഏറ്റുവാങ്ങിയ ട്രാവു ഏഴു പോയിന്റുമായി ആറാം സ്ഥാനത്താണ്.
കഴിഞ്ഞ മത്സരത്തിനുശേഷം അഞ്ചു ദിവസം ഇടവേള ലഭിച്ചത്് നല്ലകാര്യമാണ്. ഇടവേളയ്ക്ക് ശേഷം പുത്തന് ഊര്ജ്ജത്തോടെ വിജയക്കുതിപ്പ് നടത്താനുള്ള ഒരുക്കത്തിലാണ് ടീമെന്ന്് ഗോകുലം പരിശീലകന് വിന്സെന്സോ പറഞ്ഞു. ഓരോ മത്സരവും പ്രധാനപ്പെട്ടതാണ്. ഞങ്ങളുടെ ശൈലിയില് കളിക്കളം അടക്കിവാഴാനുള്ള മികവ്് ടീമിനുണ്ടെന്ന്് അദ്ദേഹം കൂട്ടിച്ചേര്ത്തു. അവസാന മത്സരത്തില് കെങ്കെറെയെ മടക്കമില്ലാത്ത മൂന്ന് ഗോളുകള്ക്ക് തോല്പ്പിച്ചതിന്റെ ആവേശത്തിലാണ് ട്രാവു ഗോുലത്തെ നേരിടാനിറങ്ങുന്നത്.
