ഫറ്റോര്‍ഡ: ആറ് വര്‍ഷത്തെ കാത്തിരിപ്പിനൊടുവില്‍ ഐഎസ്എല്‍ ഫൈനലില്‍ തിരിച്ചെത്തിയിരിക്കുകയാണ് ബ്ലാസ്റ്റേഴ്സ്. 2014ലും, 2016ലും കയ്യെത്തുംദൂരത്ത് നഷ്ടമായ ഐഎസ്എല്‍ കിരീടം ഇക്കുറി സ്വന്തമാക്കാനാണ് മഞ്ഞപടയുടെ തീരുമാനം. ബ്ലാസ്റ്റേഴ്‌സിന്റെ ഫൈനല്‍ പ്രവേശത്തോടൊപ്പം ഐഎസ്എല്‍ ഫൈനലില്‍ കാണികളെ അനുവദിച്ചിട്ടുണ്ടെന്നത് ആരാധകരുടെ സന്തോഷം ഇരട്ടിയാക്കുന്നുണ്ട്.
ഇപ്പോള്‍ ആരാധകരെ ഫൈനല്‍ കാണാന്‍ ഗോവയിലെ സ്റ്റേഡിയത്തിലേക്ക് ക്ഷണിച്ചുകൊണ്ട് കോച്ച് ഇവാന്റെ വീഡിയോയും പുറത്ത് വന്നു. ബ്ലാസ്റ്റേഴ്‌സിന്റെ ട്വിറ്റര്‍ പേജിലൂടെയാണ് വീഡിയോ പുറത്ത് വന്നത്. വന്ന് കളി കണ്ട് എല്ലാവരും സപ്പോര്‍ട്ട് ചെയ്യണമെന്നു അദ്ദേഹം പറഞ്ഞു.
ഞായറാഴ്ച 20 ന് വൈകീട്ട് ഗോവയിലെ ഫറ്റോര്‍ദ സ്റ്റേഡിയത്തില്‍ വെച്ചാണ് കലാശപ്പോര് നടക്കുക. ആദ്യ സെമി മത്സരത്തില്‍ ജംഷഡ്പൂരിനെ മറികടന്ന് കേരള ബ്ലാസ്റ്റേഴ്സ് ഈ സീസണിലെ ആദ്യ ഫൈനലിസ്റ്റുകള്‍ ആയിരിക്കുകയാണ്. ഇന്ന് ഫൈനലില്‍ ബ്ലാസ്റ്റേഴ്‌സിന്റെ എതിരാളി ആരാണെന്ന് മനസ്സിലാകും. പോയിന്റ് പട്ടികയില്‍ രണ്ടും മൂന്നും സ്ഥാനക്കാരായ എടികെ മോഹന്‍ ബഗാനു, ഹൈദരാബാദ് എഫ്. സി തമ്മിലാണ് മത്സരം.
