കൊച്ചി : വിദേശ വനിതകളെക്കൊണ്ട് മദ്യം വിളമ്പിച്ചതില് പമ്പിനെതിരെ നടപടി. കേരളത്തിലെ ആദ്യത്തെ പബ് എന്നു വ്യാപകമായി പ്രചാരണം ലഭിച്ച രവിപുരം ഹാര്ബര് വ്യൂ, ഫ്ളൈ ഹൈ ബാറിനെതിരെയാണ് നടപടി. ബാര് മാനേജരെ എക്സൈസ് അറസ്റ്റ് ചെയ്തു. അടുത്തിടെ നവീകരിച്ച ബാര് ഉദ്ഘാടനം ചെയ്യുമ്പോള് വിദേശത്തു നിന്ന് എത്തിച്ച വനിതകളെ ഉപയോഗിച്ചാണ് മദ്യം വിളമ്പിച്ചത്. ഇത് വിവാദമായ സാഹചര്യത്തില് എക്സൈസ് നടപടി സ്വീകരിക്കുയായിരുന്നു.
വനിതകളെക്കൊണ്ട് മദ്യം വിളമ്പിക്കുന്നത് അബ്കാരി ചട്ടലംഘനമാണെന്ന് ചൂണ്ടിക്കാട്ടിയാണ് എക്സൈസ് നടപടി സ്വീകരിച്ചത്. സ്റ്റോക്ക് രജിസ്റ്ററില് കൃത്രിമം കണ്ടതിനും ഇവര്ക്കെതിരെ നടപടി എടുത്തിട്ടുണ്ട്. വനിതകള് മദ്യം വിളമ്പിയ സംഭവത്തില് വിശദമായ അന്വേഷണം നടത്തി റിപ്പോര്ട്ട് നല്കാന് കമ്മിഷണര് ആവശ്യപ്പെട്ടിട്ടുണ്ട്. നിയമവിരുദ്ധ നടപടികള്ക്ക് അറസ്റ്റിലായ മാനേജരെ അറസ്റ്റു ചെയ്തു ജാമ്യത്തില് വിട്ടയച്ചു.
അതേസമയം അടുത്തിടെ ഹൈക്കോടതി ഉത്തരവിന്റെ പിന്ബലത്തിലാണു വനിതകളെ ഉപയോഗിച്ച് മദ്യം വിളമ്പിയതെന്ന് ഹോട്ടല് ഉടമകള് പ്രതികരിച്ചു. പബ്ബിന് നിലവില് കേരളത്തില് അനുമതി ഇല്ലാത്തതിനാല് ഉദ്ഘാടന ദിവസം മാത്രമായിരുന്നു വനിതകളെ ഉപയോഗിച്ചു മദ്യം വിളമ്പിയത് എന്നാണു വിശദീകരണം. എന്നാല് തിരുവനന്തപുരത്തെ ഒരു ഹോട്ടലിനു മാത്രമായി പുറപ്പെടുവിച്ച വിധിയാണ് ഉടമകള് പറയുന്നത് എന്നാണ് എക്സൈസ് പറയുന്നത്. വനിതകള് മദ്യം വിളമ്പിയ സംഭവത്തില് വിശദമായ അന്വേഷണം നടത്തി റിപ്പോര്ട്ട് നല്കാന് കമ്മിഷണര് ആവശ്യപ്പെട്ടിട്ടുണ്ട്.
