ഗോവയില്‍ ബിജെപിയും കോണ്‍ഗ്രസും ഒപ്പത്തിനൊപ്പമെന്ന് പി-മാര്‍ക്ക്, റിപ്പബ്ലിക് ടിവി എക്‌സിറ്റ് പോള്‍ പ്രവചനം

പനജി: ഗോവയില്‍ നിയമസഭാ തെരഞ്ഞെടുപ്പില്‍ ബിജെപിയും കോണ്‍ഗ്രസും ഒപ്പത്തിനൊപ്പമെന്ന് പിമാര്‍ക്-റിപ്പബ്ലിക് ടിവി എക്‌സിറ്റ് പോള്‍ പ്രവചനം.

ബിജെപി 13 മുതല്‍ 17 സീറ്റുകള്‍ നേടുമ്പോള്‍ കോണ്‍ഗ്രസും 13 മുതല്‍ 17 സീറ്റുകള്‍ വരെ നേടിയേക്കാമെന്ന് എക്‌സിറ്റ് പോള്‍ ഫലം പറയുന്നു. ഇവിടെ കോണ്‍ഗ്രസ് ജിഎഫ്പിയുമായി സഖ്യത്തിലാണ്. 40 സീറ്റുകളാണ് ഗോവ നിയമസഭയിലുള്ളത്. 20ല്‍ മുകളില്‍ സീറ്റുനേടുന്നവര്‍ക്ക് അധികാരത്തിലെത്താം.

ആംആദ്മി പാര്‍ട്ടി ഇവിടെ അക്കൗണ്ട് തുറക്കാന്‍ സാധ്യതയുണ്ടെന്ന് എക്‌സിറ്റ് പോള്‍ പ്രവചിക്കുന്നു. രണ്ട് മുതല്‍ ആറ് വരെ സീറ്റുകള്‍ ആം ആദ്മി നേടിയേക്കാമെന്നാണ് പ്രവചനം.

തൃണമൂലും എംജിപിയും രണ്ട് മുതല്‍ നാല് സീറ്റുകള്‍ വരെ നേടിയേക്കാം. എന്‍സിപിയ്‌ക്കും ശിവസേനയും സ്വതന്ത്രരും ചേര്‍ന്ന് നാല് സീറ്റുകള്‍ വരെ നേടിയേക്കാം.