തിരുവനന്തപുരം : സ്വപ്ന സുരേഷിന് ജോലി നല്കിയ എച്ച്ആര്ഡിഎസ് എന്ജിഒ സ്ഥാപനവുമായി ബിജെപിക്ക് യാതൊരു ബന്ധവുമില്ലെന്ന് സംസ്ഥാന അധ്യക്ഷന് കെ. സുരേന്ദ്രന്. സിപിഎം നേതാവും എംഎല്എയുമായ എംഎം മണിയാണ് സ്ഥാപനത്തിന്റെ തൊടുപുഴയിലെ ഓഫീസ് ഉദ്ഘാടനം ചെയ്തത്. ലോഗോ പ്രകാശനം ചെയ്തത് മുഖ്യമന്ത്രി പിണറായി വിജയനാണെന്നും സുരേന്ദ്രന് പറഞ്ഞു.
എസ്എഫ്ഐയുടെ ഒരു മുന് നേതാവാണ് സ്വപ്നയ്ക്ക് എച്ച്ആര്ഡിഎസില് ജോലി ശരിയാക്കി നല്കിയത്. അദ്ദേഹം ഇപ്പോള് സിപിഎമ്മിന്റെ ഉന്നതനായ നേതാവാണിപ്പോള്. ബിജെപിക്ക് സ്ഥാപനവുമായി ഒരു ബന്ധവുമില്ല.
ദല്ഹി ആസ്ഥാനമായി പ്രവര്ത്തിക്കുന്ന എച്ച്ആര്ഡിഎസ് എന്ന സംഘടനയില് സിഎസ്ആര് ഡയറക്ടറായി വെള്ളിയാഴ്ചയാണ് ജോലിയില് പ്രവേശിച്ചത്. തൊടുപുഴയിലെ ഓഫീസിലെത്തിയാണ് അവര് ജോലിയില് പ്രവേശിച്ചത്. നിലവില് കുട്ടികളുടെ പഠിപ്പും മറ്റുമുള്ളതിനാല് കമ്പനി വര്ക് ഫ്രം ഹോം അനുവദിച്ചിരിക്കുകയാണ്. തിരുവനന്തപുരത്തെ വീട്ടിലിരുന്ന് ജോലി ചെയ്യുന്നുണ്ടെന്നും സ്വപ്ന പ്രതികരിച്ചു.
