തൃശ്ശൂര്‍: കെഎസ്ഇബിയില്‍ ശതകോടികളുടെ അഴിമതിയാണ് നടന്നിരിക്കുന്നതെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. മുന്‍മന്ത്രി എം.എം. മണിയും സഹോദരന്‍ ലംബോധരനും ഉണ്ടാക്കിയത് കോടികളാണ്. അഴിമതിക്കണക്ക് പുറത്തുവന്നിട്ടും മുഖ്യമന്ത്രിയോ പാര്‍ട്ടിക്കാരോ ഇതുവരെ മിണ്ടിയിട്ടില്ല. കേരളവുമായി ബന്ധമില്ലാത്ത കാര്യങ്ങളാണ് അദ്ദേഹം പറയുന്നത്. ഇത്രയും സംഭവങ്ങള്‍ നടന്നിട്ടും മുഖ്യമന്ത്രിക്ക് ഇതിലൊന്നും അഭിപ്രായമില്ല.
ലാലു പ്രസാദ് യാദവിന്റെ കേരള പതിപ്പാണ് എം.എം മണി. മണിയെ പോലെ തട്ടിപ്പുകാരനായ ഒരു നേതാവ് കേരളത്തിലില്ല. പാവങ്ങളുടെ ആളാണെന്ന് പറഞ്ഞ് കോടികളുടെ അഴിമതിയാണ് നടത്തിയിട്ടുള്ളത്. അഴിമതിയുടെ വിശദാംശങ്ങള്‍ സര്‍ക്കാര്‍ പുറത്തുവിടണം.മാഫിയകള്‍ക്കും പാര്‍ട്ടിക്കാര്‍ക്കും നൂറുകണക്കിന് ഏക്കര്‍ ഭൂമി കെഎസ്ഇബി പതിച്ചു നല്കിയിരിക്കുകയാണെന്ന് സുരേന്ദ്രന്‍ പറഞ്ഞു.
വാര്‍ത്താസമ്മേളനത്തില്‍ ബിജെപി തൃശ്ശൂര്‍ ജില്ലാ പ്രസിഡന്റ് അഡ്വ. കെ. കെ അനീഷ്‌കുമാര്‍, ജില്ലാ ജനറല്‍ സെക്രട്ടറി മാരായ അഡ്വ. കെ. ആര്‍ ഹരി, ജസ്റ്റിന്‍ ജേക്കബ് എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: