ന്യൂദല്‍ഹി: ദേശീയ പുരോഗതിയും പ്രാദേശിക അഭിലാഷങ്ങളും തമ്മില്‍ ഒരു സംഘട്ടനവും കാണുന്നില്ലെന്ന് പ്രധാനമന്ത്രി നരേന്ദ്രമോദി ആവര്‍ത്തിച്ച്് വ്യക്തമാക്കി. രാജ്യത്തിന്റെ വികസനം കണക്കിലെടുത്ത് പ്രാദേശിക അഭിലാഷങ്ങളെ അഭിസംബോധന ചെയ്യുമ്പോള്‍ ഇന്ത്യയുടെ പുരോഗതി ശക്തമാകും. നമ്മുടെ സംസ്ഥാനങ്ങള്‍ പുരോഗമിക്കുമ്പോള്‍ രാജ്യം പുരോഗമിക്കും. രാഷ്‌ട്രപതിയുടെ അഭിസംബോധനയ്‌ക്കുള്ള രാജ്യസഭയിലെ നന്ദി പ്രമേയ ചര്‍ച്ചയ്‌ക്കു മറുപടി പറയുകയായിരുന്നു പ്രധാനമന്ത്രി നരേന്ദ്ര മോദി.
കോവിഡ്19 നെ ചെറുക്കുന്നത് ശക്തവും സൗഹാര്‍ദ്ദപരവുമായ ഫെഡറല്‍ ഘടനയുമായി ബന്ധപ്പെട്ടിരിക്കുന്നു. ഈ വിഷയത്തില്‍ ബഹുമാനപ്പെട്ട മുഖ്യമന്ത്രിമാരുമായി 23 കൂടിക്കാഴ്ചകള്‍ നടന്നിട്ടുണ്ട്. നാം ഏത് വശത്താണെങ്കിലും ജനങ്ങള്‍ക്ക് വേണ്ടി പ്രവര്‍ത്തിക്കണം. പ്രതിപക്ഷത്തായിരിക്കുക എന്നതിനര്‍ത്ഥം ജനങ്ങളുടെ പ്രശ്‌നങ്ങള്‍ പരിഹരിക്കാന്‍ പ്രവര്‍ത്തിക്കുന്നത് നിര്‍ത്തുക എന്ന മനോഭാവം തെറ്റാണ്. മോദി പറഞ്ഞു.
വിവേചനത്തിന്റെ പാരമ്പര്യം അവസാനിപ്പിക്കണ0. ഒരേ മനസ്സോടെ ഒരുമിച്ച് നടക്കേണ്ടത് കാലഘട്ടത്തിന്റെ ആവശ്യമാണ്.. ഒരു സുവര്‍ണ്ണ കാലഘട്ടവും ലോകം മുഴുവനും ഇന്ത്യയെ പ്രതീക്ഷയോടെ ഉറ്റുനോക്കുന്നു, ഈ അവസരം നാം നഷ്ടപ്പെടുത്തരുത്, അദ്ദേഹം പറഞ്ഞു.
സ്വാതന്ത്ര്യത്തിന്റെ 100 വര്‍ഷം ആഘോഷിക്കുമ്പോള്‍ രാജ്യത്തെ എവിടേക്കാണ് കൊണ്ടുപോകേണ്ടതെന്നും, രാജ്യത്തെ എങ്ങനെ മുന്നോട്ട് കൊണ്ടുപോകാമെന്നും ചിന്തിക്കേണ്ട വളരെ പ്രധാനപ്പെട്ട സമയമാണിത്.. ഇന്ത്യയിലെ ജനങ്ങള്‍ വാക്‌സിന്‍ എടുത്തിട്ടുണ്ട്, അവര്‍ ഇത് ചെയ്തത് സ്വയം സംരക്ഷിക്കാന്‍ മാത്രമല്ല, മറ്റുള്ളവരെ സംരക്ഷിക്കാനും വേണ്ടിയാണ്. നിരവധി ആഗോള വാക്‌സിന്‍ വിരുദ്ധ പ്രസ്ഥാനങ്ങള്‍ക്കിടയിലും ഇത്തരം പെരുമാറ്റം പ്രശംസനീയമാണ്. പകര്‍ച്ചവ്യാധിയുടെ ഈ സമയത്ത് ഇന്ത്യയുടെ പുരോഗതിയെക്കുറിച്ച് ആളുകള്‍ ചോദ്യങ്ങള്‍ ഉന്നയിച്ചുകൊണ്ടിരുന്നു, 80 കോടി പൗരന്മാര്‍ക്ക് സൗജന്യ റേഷന്‍ ലഭ്യത ഇന്ത്യ ഉറപ്പാക്കി.
പ്രതികരിക്കാൻ ഇവിടെ എഴുതുക: