തിരുവനന്തപുരം: ബിബിന്‍ ജോര്‍ജ് ,വിഷ്ണു ഉണ്ണിക്കൃഷ്ണന്‍ എന്നിവര്‍ ആദ്യമായി നായകന്‍മാരായി ഒന്നിച്ചഭിനയിക്കുന്ന ചിത്രമാണ് മരതകം. നവാഗതനായ അന്‍സാജ് ഗോപി സംവിധാനം ചെയ്യുന്ന സിനിമ, മലയാളത്തിലെ ആദ്യത്തെ ടൈംലൂപ് ഗണത്തില്‍പ്പെടുന്ന സിനിമ എന്ന പ്രത്യേകതയുമുണ്ട്. ആന്റോ ജോസഫ് പ്രൊഡക്ഷന്‍ കമ്പനി, അല്‍താരി മൂവിസ് എന്നിവയുടെ ബാനറില്‍ ആന്റോ ജോസഫ്, സി.ആര്‍ സലീം ചേര്‍ന്നാണ് ചിത്രം നിര്‍മ്മിക്കുന്നത്. ചിത്രത്തില്‍ സനുഷ സന്തോഷ്, കലാഭവന്‍ ഷാജോണ്‍, മീനാക്ഷി ദിനേഷ്, അനീഷ് ഗോപാല്‍, ജഗദീഷ്, അഞ്ജു അരവിന്ദ്, ജെയ്‌സ, ജോസ്, നവജിത് നാരായണന്‍ എന്നിവരാണ് മറ്റു താരങ്ങള്‍.
ചിത്രത്തിന്റെ തിരക്കഥ ഒരുക്കിയിരിക്കുന്നത് സംവിധായകനായ അന്‍സാജ് ഗോപിയും ദീപു എന്‍ ബാബുവും ചേര്‍ന്നാണ്. ചിത്രത്തിന്റെ ഛായഗ്രഹണം നിര്‍വഹിക്കുന്നത് സിനു സിദ്ധാര്‍ഥ് ആണ്. ചിത്രത്തിന്റെ പ്രൊജക്ട് ഡിസൈനര്‍ എന്‍ എം ബാദുഷയും, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണനുമാണ്. എഡിറ്റിംഗ്: റിയാസ്.കെ.ബദര്‍, കലാസംവിധാനം: ജയന്‍ ക്രെയോണ്‍, മ്യൂസിക്: അര്‍ജുന്‍ വി അക്ഷയ, ശ്യാമപ്രസാദ്, ബി ജി എം: ഫോര്‍ മ്യൂസിക്, വസ്ത്രലങ്കാരം: അരുണ്‍ മനോഹര്‍, മേക്കപ്പ്: അമല്‍ ചന്ദ്രന്‍, കൊറിയോഗ്രാഫി: ശ്രീജിത്ത് പി, ചീഫ് അസോസിയേറ്റ് ഡയറക്ടര്‍: അനീവ് സുകുമാര്‍, ക്രീയേറ്റീവ് ഡയറക്ടര്‍: പ്രവീണ്‍ നാരായണന്‍, ഡിസൈന്‍: യെല്ലോടൂത്‌സ്, പി.ആര്‍.ഒ: പി.ശിവപ്രസാദ്
