ആസ്ട്രലിയയെ തകര്‍ത്ത് ഇന്ത്യ കൗമാര ക്രിക്കറ്റ് ലോകകപ്പ് ഫൈനലില്‍

ആന്റിഗ്വ:  ആസ്ട്രലിയയെ 94 റണ്ഡഡസിന് തകര്‍ത്ത്  ഇന്ത്യ  അണ്ടര്‍ 19 ക്രിക്കറ്റ് ലോകകപ്പ് ഫൈനലില്‍ കടന്നു. ആദ്യം ബാറ്റ് ചെയ്ത ഇന്ത്യ ഉയര്‍ത്തിയ 290 ലക്ഷ്യം പിന്‍തുടര്‍ന്ന ആേസ്ട്രലിയ  41.5 ഓവറില്‍ 194 റണ്‍സില്‍ പുറത്തായി,  അര്‍ധ സെഞ്ചുറി നേടിയ ലാച്ച്‌ലാന്‍ ഷ്വോയ്‌ക്ക് മാത്രമേ ഇന്ത്യന്‍ ആക്രമണത്തിന് മുന്നില്‍ പിടിച്ചുനില്‍ക്കാനായുള്ളു. 3 വിക്കറ്റ് നേടിയ വിക്കി ഓസ്വാലും രണ്ട് വിക്കറ്റ് വീതം നേടിയ നിഷാന്ത് സിന്ധുവും രവികുമാറുമാണ് ഇന്ത്യയുടെ വിജയം അനായസമാക്കിയത്‌

 ടോസ് നേടി ബാറ്റ് ചെയ്ത ഇന്ത്യ  നിശ്ചിത 50 ഓവറില്‍ അഞ്ച് വിക്കറ്റിന് 290 റണ്‍സെടുത്തു. 110 പന്തില്‍ 110 റണ്‍സ് നേടിയ നായകന്‍ യാഷ് ദുള്ളും  108 പന്തില്‍ 94 റണ്‍സ് നേടി  സെഞ്ചുറിക്കരികെ പുറത്തായ ഷെയ്ഖ് റഷീദുമാണ്  ഇന്ത്യയെ വലിയ സ്‌ക്കോറില്‍ എ ത്തിച്ചത്

 അവസാന ഓവറില്‍ നാലുപന്തില്‍ 20 റണ്‍സ് അടിച്ച ദിനേശ് ബനയയാണ് 290 ല്‍ എത്തിച്ചത്

ഇന്ത്യയുടെ തുടക്കം മോശമായിരുന്നു. ഓപ്പണല്‍ ആംഗ്രിഷ് രഘുവംശി 30 പന്ത് നേരിട്ട അടിച്ചത് വെറും 6 റണ്ടസ്.  ഹര്‍നൂര്‍ സിംഗ് 16 റണ്‍സിലും പുറത്തായി.   12.3 ഓവറില്‍ രണ്ടിന് 37 റണ്‍സ് മാത്രമാണുണ്ടായിരുന്നത്. മൂന്നാം വിക്കറ്റില്‍ സാവധാനം തുടങ്ങി 204 റണ്‍സ് ചേര്‍ത്ത് യാഷ് ദുള്‍ -ഷെയ്ഖ് റഷീദ് സഖ്യം സുരക്ഷിത സ്‌കോറിലേക്ക് നയിച്ചു. 46ാം ഓവറിലെ അഞ്ചാം പന്തില്‍ യാഷ് റണ്ണൗട്ടാവുകുമ്പോള്‍ ഇന്ത്യന്‍ സ്‌കോര്‍ 241ലെത്തിയിരുന്നു. അടുത്ത പന്തില്‍ റഷീദും പുറത്തായത് ഇന്ത്യക്ക് തിരിച്ചടിയായി. 10അവസാന ഓവറുകളില്‍ സ്‌കോറുയര്‍ത്താനുള്ള ശ്രമങ്ങള്‍ക്കിടെ രാജ്‌വര്‍ധന്‍ 13 റണ്‍സെടുത്ത് പുറത്തായി. നിഷാന്ത് സിന്ധുവും(12*), ദിനേശ് ബനയും(20*) പുറത്താകാതെ നിന്നു