തിരുവനന്തപുരം : 557 പേരെ കൂടി പുതിയതായി ഉള്പ്പെടുത്തി സംസ്ഥാനത്തെ ഗുണ്ടാ പട്ടിക പുതുക്കി. തലസ്ഥാനത്തെ ഗുണ്ടാ ആക്രമണങ്ങള് അടുത്തിടെ വര്ധിച്ചതായി അടുത്തിടെ നിരവധി റിപ്പോര്ട്ടുകള് പുറത്തുവരുകയും സംസ്ഥാന പോലീസിനെതിരെ കടുത്ത വിമര്ശനങ്ങള് ഉയരുകയും ചെയ്തതിന് പിന്നാലെയാണ് ഗുണ്ടാ പട്ടിക പുതുക്കിയിരിക്കുന്നത്.
നിരന്തരം ക്രിമിനല് കേസില് പ്രതിയാകുന്നവരെയാണ് ഈ പട്ടികയില് ഉള്പ്പെടുത്തിയിരിക്കുന്നത്. തിരുവനന്തപുരം, പത്തനംതിട്ട ജില്ലകളിലാണ് എറ്റവും കൂടുതല് പേര് ഗുണ്ടാ പട്ടികയിലുള്ളത്. ഇതോടെ സംസ്ഥാനത്തെ ഗുണ്ടകളുടെ എണ്ണം 2750 ആയി.
ഇതോടൊപ്പം ഗുണ്ടാ പ്രവര്ത്തനങ്ങളില് സജീവമല്ലാതെ വിട്ടു നില്ക്കുന്നവരെ പട്ടികയില് നിന്നും ഒഴിവാക്കിയിട്ടുമുണ്ട്. 701 ഗുണ്ടകള്ക്കെതിരെ കാപ്പ ചുമത്തിയിട്ടുണ്ട്. ഓരോ പോലീസ് സ്റ്റേഷന് അടിസ്ഥാനത്തിലാണ് ഗുണ്ട ലിസ്റ്റ് തയ്യാറാക്കിയത്.
