പാരീസ്: ഫ്രഞ്ച് കപ്പില് കരുത്തരായ പിഎസ്ജി ക്വാര്ട്ടര് കാണാതെ പുറത്ത്. പ്രീ ക്വാര്ട്ടറില് നീസിനോട് ഷൂട്ടൗട്ടില് തോറ്റു. നിശ്ചിത സമയത്ത് ഗോള്രഹിത സമനിലയില് പിരിഞ്ഞ മത്സരത്തില് 6-5ന് ഷൂട്ടൗട്ടില് തോല്ക്കുകയായിരുന്നു. മാര്സിന് ബുല്ക്കയുടെ നിര്ണായക സേവുകളാണ് നീസിന് ത്രസിപ്പിക്കുന്ന വിജയം നല്കിയത്.
പിഎസ്ജിയില് നിന്ന് ലോണിന് കഴിഞ്ഞ സീസണിലാണ് ബുല്ക്ക നീസിലേക്ക് മാറിയത്. പിഎസ്ജിക്കായി താരം കളിച്ചിരുന്നില്ല. നീസിനായി ഇതാദ്യമായാണ് കളിക്കാനിറങ്ങിയത്. ലീഗ് ഒന്നിലടക്കം സമനിലകളോടെ പതറുകയാണ് പിഎസ്ജി. സൂപ്പര്താരങ്ങള് ഒത്തിണങ്ങി കളിക്കാത്തതാണ് ടീമിന് വിനയാകുന്നത്. ഫ്രഞ്ച് കപ്പില് ക്വാര്ട്ടര് ഫൈനല് മത്സരങ്ങള് ഫെബ്രുവരി എട്ട്, ഒമ്പത് ദിവസങ്ങളില് നടക്കും. ഫ്രഞ്ച് ലീഗില് നിലവില് ഒന്നാമതാണ് പിഎസ്ജി. നീസാണ് രണ്ടാം സ്ഥാനത്ത്.
