തിരുവനന്തപുരം: : നടന് ദിലീപിനെതിരേ അടുത്ത ആരോപണവുമായി മറ്റൊരു കുടുംബം. ദിലീപിന്റെ ഫോണ് സര്വീസ് ചെയ്തിരുന്ന മൊബൈല് ഫോണ് സര്വീസ് സെന്റര് ഉടമയുടെ മരണത്തില് പുനരന്വേഷണം ആവശ്യപ്പെട്ടാണ് കുടുംബത്തിന്റെ പരാതി. എറണാകുളത്ത് മൊബൈല് ഫോണ് സര്വീസ് സെന്റര് നടത്തിയിരുന്ന ഷലീഷിന്റെ അപകടമരണത്തിലാണ് കുടുംബം അങ്കമാലി പോലീസില് പരാതി നല്കിയിരിക്കുന്നത്. ദിലീപിന്റെ മൊബൈല് ഫോണുകള് സര്വീസ് നടത്തിയിരുന്നത് ഷലീഷിന്റെ എറണാകുളത്തെ സര്വീസ് സെന്ററിലായിരുന്നു. ദിലീപുമായി അടുത്ത ബന്ധമുണ്ടായിരുന്ന ഷലീഷ് ‘വെല്ക്കം ടു സെന്ട്രല് ജയില്’ അടക്കമുള്ള ചില സിനിമകളിലും അഭിനയിച്ചിട്ടുണ്ട്.
ഷലീഷിന്റെ മരണവുമായി ബന്ധപ്പെട്ട് നാട്ടിലും സാമൂഹികമാധ്യമങ്ങളിലും ചില സംശയങ്ങള് ഉയരുന്നുണ്ടെന്നും അതിനാല് അന്വേഷണം നടത്തി സത്യം പുറത്തുകൊണ്ടുവരണമെന്നും ഷലീഷിന്റെ സഹോദരന് പരാതിയില് പറയുന്നു. 2020 ഓഗസ്റ്റില് അങ്കമാലിയിലുണ്ടായ വാഹനാപകടത്തിലാണ് ഷലീഷ് മരണപ്പെട്ടത്. ഷലീഷ് ഓടിച്ചിരുന്ന കാര് മീഡിയനിലേക്ക് ഇടിച്ചുകയറിയാണ് അപകടമുണ്ടായത്. സംഭവത്തില് അന്വേഷണം നടത്തിയ പോലീസും ഇതേകാര്യം തന്നെയാണ് കണ്ടെത്തിയത്. എന്നാല് മരണത്തില് സംശയങ്ങളുണ്ടെന്നും പുനരന്വേഷണം വേണെന്നുമാണ് ഷലീഷിന്റെ കുടുംബം ഇപ്പോള് പറയുന്നത്. പുനരന്വേഷണം ആവശ്യപ്പെട്ടുള്ള പരാതി നിലവില് ദീലിപിനെതിരേ അന്വേഷണം നടത്തുന്ന ക്രൈംബ്രാഞ്ച് സംഘത്തിന് കൈമാറുമെന്നും റിപ്പോര്ട്ടുണ്ട്.
