തിരുവനന്തപുരം: മുന് മുഖ്യമന്ത്രിയും സിപിഎം മുതിര്ന്ന നേതാവുമായ വി.എസ്.അച്യുതാനന്ദന് കോവിഡ് സ്ഥിരീകരിച്ചു. വിഎസിനെ തിരുവനന്തപുരത്തെ സ്വകാര്യ ആശുപത്രിയിലേക്കു മാറ്റി. വിഎസിനെ പരിചരിക്കുന്ന നഴ്സ് കോവിഡ് പോസിറ്റീവായതിനെ തുടര്ന്ന് നടത്തിയ പരിശോധനയിലാണ് വിഎസും രോഗബാധിതനാണെന്ന് വ്യക്തമായതെന്ന് മകന് അരുണ് കുമാര് ഫേസ്ബുക്ക് പോസ്റ്റില് വ്യക്തമാക്കി.
വിഎസിന്റെ മകന് വി.എ.അരുണ്കുമാറിന്റെ കുറിപ്പ്
മഹാമാരിയുടെ പിടിയില് പെടാതെ, ഡോക്ടര്മാരുടെ നിര്ദേശം കര്ശനമായി പാലിച്ച് വീട്ടില് കഴിച്ചുകൂട്ടിയ അച്ഛനും കോവിഡ് പോസിറ്റീവായിരിക്കുന്നു. സന്ദര്ശകരെപ്പോലും അനുവദിക്കാതെ, ഒരര്ഥത്തില് ക്വാറന്റീനിലായിരുന്നു അച്ഛന്. നിര്ഭാഗ്യവശാല് അച്ഛനെ പരിചരിച്ച നഴ്സിന് കോവിഡ് പോസിറ്റീവായി. ഇന്നലെ പരിശോധിച്ചപ്പോള് അച്ഛനും കോവിഡ് പോസിറ്റീവ്. ആരോഗ്യവിദഗ്ധരുടെ നിര്ദേശം പാലിച്ച് അച്ഛനിപ്പോള് ആശുപത്രിയിലാണ്. സുഖവിവരമന്വേഷിച്ച് നിരവധി പേര് വിളിക്കുന്നുണ്ട്. സ്നേഹാന്വേഷണങ്ങള്ക്ക് നന്ദി.
