ആലപ്പുഴ: പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയ യുവതി അറസ്റ്റില്. തിരുവനന്തപുരം വീരണകാവ് സ്വദേശിനി സന്ധ്യയാണ് തൃശ്ശൂരില് പിടിയിലായത്. ഇവര്ക്കെതിരെ പോക്സൊ നിയമ പ്രകാരം കേസെടുത്തിട്ടുണ്ട്.
ആണ്വേഷം ചമഞ്ഞാണ് യുവതി സമൂഹമാധ്യമത്തിലൂടെ പെണ്കുട്ടിയുമായി അടുപ്പത്തിലായത്. ഒരാഴ്ച മുന്പ് മാവേലിക്കരയിലെ പെണ്കുട്ടിയുടെ വീട്ടിലെത്തി വിളിച്ചിറക്കിക്കൊണ്ടുപോകുകയായിരുന്നു. ചെങ്ങന്നൂര് ഡിവൈഎസ്പിയുടെ നേതൃത്വത്തിലുള്ള അന്വേഷണത്തില് ഇരുവരേയും തൃശ്ശൂരില് നിന്ന് പിടികൂടുകയായിരുന്നു.
സന്ധ്യ വിവാഹിതയും ഒരു കുട്ടിയുടെ അമ്മയുമാണ്. 2016 ല് 14കാരിയെ ഉപദ്രവിച്ച കേസില് കാട്ടാക്കട പോലീസ് സ്റ്റേഷനില് സന്ധ്യയുടെ പേരില് രണ്ടുകേസുകളുണ്ട്.
