തിരുവനന്തപുരം : കെ റെയില്‍ വിഷയത്തില്‍ ഡിപിആര്‍ നല്‍കിയെന്നത് പ്രസ്താവന മാത്രമാണ്. മുഖ്യമന്ത്രി പിണറായി വിജയന്‍ അവകാശ ലംഘനം നടത്തിയെന്ന് ആരോപിച്ച് സ്പീക്കര്‍ക്ക് നോട്ടീസ്. ഡിപിആര്‍ ഉള്ളടക്കം ചെയ്‌തെന്ന് പറഞ്ഞിട്ടും തനിക്ക് ഇത് ലഭിച്ചിട്ടില്ലെന്ന് ചൂണ്ടിക്കാട്ടി അന്‍വര്‍ സാദത്ത് എംഎല്‍എയാണ് നോട്ടീസ് നല്‍കിയിരിക്കുന്നത്.
കെ റെയിലുമായി ബന്ധപ്പെട്ട് നിയമസഭയില്‍ ഡിപിആറിന്റെ വിശദാംശങ്ങള്‍ തേടി അന്‍വര്‍ സാദത്ത് കത്ത് നല്‍കിയിരുന്നു. തിരുവനന്തപുരം- കാസര്‍കോട് അര്‍ധ അതിവേഗ റെയില്‍ പാതയുടെ ഡീറ്റൈല്‍ഡ് പ്രൊജക്ട് റിപ്പോര്‍ട്ടിന്റേയും റാപ്പിഡ് എന്‍വയോണ്‍മെന്റ് ഇംപാക്ട് സ്റ്റഡി റിപ്പോര്‍ട്ടിന്റേയും പകര്‍പ്പുകള്‍ ലഭ്യമാക്കാമോ. ഇവയ്‌ക്ക് സര്‍ക്കാര്‍ അംഗീകാരം നല്‍കിയിട്ടുണ്ടോയെന്നുമാണ് ചോദ്യം ഉന്നയിച്ചത്.
എന്നാല്‍ സില്‍വര്‍ ലൈന്‍ പാതയ്‌ക്കായുള്ള ദ്രുത പരിസ്ഥിതി ആഘാത പഠനം, ഡിപിആര്‍ എന്നിവയുടെ പകര്‍പ്പ് അനുബന്ധമായി (സിഡിയില്‍) ഉള്ളടക്കം ചെയ്യുന്നു. അവ സര്‍ക്കാര്‍ അംഗീകരിച്ചിട്ടുണ്ടെന്നുമാണ് മുഖ്യമന്ത്രി മറുപടി നല്‍കിയത്. സിഡിയിലെ വിവരങ്ങള്‍ ഇതുവരെ പുറത്തുവിട്ടിട്ടില്ല.
ഒക്ടോബര്‍ 27നാണ് മുഖ്യമന്ത്രി നിയമസഭയില്‍ കെ റെയിലുമായി ബന്ധപ്പെട്ട് മറുപടി നല്‍കിയത്. എന്നാല്‍ നാളിതുവരേയും വിശദാംശങ്ങള്‍ നല്‍കിയിട്ടില്ല. സാമാജികന്‍ എന്ന നിലയില്‍ ഇത്് അവകാശങ്ങളുടെ ലംഘനമാണെന്നും അന്‍വര്‍ സാദത്ത് എംഎല്‍എ വ്യക്തമാക്കി.
പ്രതികരിക്കാൻ ഇവിടെ എഴുതുക: