ന്യൂദല്‍ഹി: ആദായനികുതി റിട്ടേണ്‍ സമര്‍പ്പിക്കാനുള്ള സമയപരിധി സര്‍ക്കാര്‍ നീട്ടിയതായി റവന്യൂ വകുപ്പ്. ആദായ നികുതി റിട്ടേണ്‍ നല്‍കാനുള്ള തീയതി നീട്ടി പ്രത്യേക്ഷ നികുതി വകുപ്പ്. 2021-22 വര്‍ഷത്തെ നികുതി റിട്ടേണ്‍ നല്‍കാനുള്ള തീയതി മാര്‍ച്ച് 15 വരെ ദീര്‍ഘിപ്പിച്ചതായി സര്‍ക്കാര്‍ വ്യക്തമാക്കി.
കൊവിഡ് മഹാമാരിയെ തുടര്‍ന്ന് റിട്ടേണ്‍ സമര്‍പ്പിക്കാന്‍ ബുദ്ധിമുട്ട് അനുഭവിക്കുന്നതായും ഇതിനായി കൂടുതല്‍ സമയം അനുവദിക്കണമെന്ന നികുതിദായകരുടെ പരാതിയെ തുടര്‍ന്നാണ് തീയതി നീട്ടിയതെന്ന് ആദായ നികുതി വകുപ്പ് പുറത്തിറക്കിയ വിജ്ഞാപനത്തില്‍ പറയുന്നു.
ഇതിന് പുറമെ വിവിധ ഓഡിറ്റ് റിപ്പോര്‍ട്ടുകള്‍ സമര്‍പ്പിക്കാനുള്ള സമയപരിധിയും സര്‍ക്കാര്‍ നീട്ടിയിട്ടുണ്ട്. 2022 ഫെബ്രുവരി 15 വരെയാണ് ഇത് ഫയല്‍ ചെയ്യാവുന്ന അവസാന തീയതി. സര്‍ക്കാര്‍ നേരത്തെ തന്നെ റിട്ടേണ്‍ സമര്‍പ്പിക്കാനുള്ള സമയപരിധി 2021 ജൂലൈ 31ല്‍ നിന്ന് 2021 ഡിസംബര്‍ 31ലേക്ക് നീട്ടിയിരുന്നു.
