കോട്ടയം: പുതുവര്‍ഷത്തില്‍ കെഎസ്ആര്‍ടിസി കോട്ടയത്തുനിന്നും മലക്കപ്പാറയിലേക്ക് വിനോദയാത്ര പാക്കേജ് ആരംഭിച്ചു. ഇപ്പോള്‍ സീറ്റുകള്‍ ബുക്ക് ചെയ്യാവുന്നതാണ്. രാവിലെ പത്ത് മുതല്‍ 12 വരെയാണ് ബുക്കിങ്. ജനുവരി 15,15, 22,23,29,30 തീയതികളിലാണ് യാത്ര.
രാവിലെ ആറിന് കോട്ടയത്ത് നിന്ന് പുറപ്പെട്ട് രാത്രി 11ന് തിരിച്ചെത്തും. ടിക്കറ്റ് നിരക്ക് 600 രൂപയാണ്. അതിരപ്പളളി, ചാര്‍പ്പ്, വാഴച്ചാല്‍, പെരിങ്ങല്‍ക്കുത്ത് ഡാം, ഷോളയാര്‍ ഡാം തുടങ്ങി വിനോദ സഞ്ചാരകേന്ദ്രങ്ങളും യാത്രയില്‍ കാണാം. മലക്കപ്പാറ കാടിനുളളിലൂടെയും യാത്രയുണ്ട്. അധിക ചെലവുകള്‍ കൈയില്‍ നിന്ന് എടുക്കണം.
അസോസിയേഷനുകള്‍ക്കും മറ്റും ബള്‍ക്ക് ബുക്കിങ്ങ് ഉണ്ട്. കോട്ടയത്തു നിന്നും പരുന്തും പാറക്കും വിനോദയാത്ര ആലോചിക്കുന്നുണ്ട്. കെഎസ്ആര്‍ടിസിയുടെ ഇത്തരം യാത്രകള്‍ വളരെ വിജയമാണ്. സാധാരണകാര്‍ക്ക് ചെലവ് കുറച്ച് വിനോദസഞ്ചാരത്തിന് പോകാനുളള മാര്‍ഗമായി മാറിയിരിക്കുകയാണ് ഇത്.കൂടാതെ കെഎസ്ആര്‍ടിസിയെ കരകയറ്റാനും ഒരുമാര്‍ഗ്ഗമാണ് വിനോദസഞ്ചാരമേഖലകളിലേക്കുളള യാത്രകള്‍.
