ലൂസിഫറിന് ശേഷം മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ‘ബ്രോ ഡാഡി’യുടെ ട്രെയ്ലര് പുറത്തിറങ്ങി. അച്ഛന്റെയും മകന്റെയും വേഷങ്ങളിലാണ് മോഹന്ലാലും പൃഥ്വിരാജും ചിത്രത്തിലെത്തുന്നത്. ഒരു വിവാഹാലോചനയും അതിനെ തുടര്ന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ പ്രമേയം.
കല്യാണി പ്രിയദര്ശന്, ഉണ്ണി മുകുന്ദന്, സൗബിന് ഷാഹിര്, ജാഫര് ഇടുക്കി, ലാലു അലക്സ്, ജഗദീഷ്, മീന, നിഖില വിമല്, കനിഹ, കാവ്യ എം ഷെട്ടി, മല്ലിക സുകുമാരന് തുടങ്ങിയവരാണ് മറ്റുതാരങ്ങള്. ശ്രീജിത്ത് എന്, ബിബിന് ജോര്ജ് എന്നിവരുടേതാണ് തിരക്കഥ. അഭിനന്ദന് രാമാനുജം ഛായാഗ്രഹണവും ദീപക് ദേവ് സംഗീത സംവിധാനവും നിര്വഹിക്കുന്നു. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിര്മാണം.
മോഹന്ലാലും പൃഥ്വിരാജും ഒന്നിക്കുന്ന രംഗങ്ങള് തന്നെയാണ് ‘ബ്രോ ഡാഡി’യുടെ ആകര്ഷണം എന്നാണ് ട്രെയിലറില് നിന്നും വ്യക്തമാകുന്നത്. ഇതൊരു കോമഡി എന്റര്ടെയ്നര് സിനിമ ആണെന്നും പൃഥ്വിരാജ് നേരത്തെ അറിയിച്ചിരുന്നു. ഡിസ്നി + ഹോട്ട്സ്റ്റാറില് ജനുവരി 26ന് സിനിമ റിലീസാകും.
