കോയമ്പത്തൂര്‍: പാലക്കാട് ഡിസിസി ഉപാധ്യക്ഷന്‍ കെഎസ്ബിഎ തങ്ങളില്‍ നിന്ന് തോക്ക് പിടിച്ചെടുത്തു. കോയമ്പത്തൂര്‍ വിമാനത്താവളത്തില്‍ വെച്ചാണ് തോക്കുമായി ഇദേഹം പിടിയിലായത്. ഏഴ് തിരകളും കണ്ടെത്തിയിട്ടുണ്ട്.
യാത്രക്കാരില്‍ സ്വാഭാവികമായി നടത്തുന്ന പരിശോധനയിലാണ് തങ്ങളില്‍ നിന്നും തോക്ക് കണ്ടെടുത്തത്. കോയമ്പത്തൂരില്‍ നിന്നും ബാംഗളൂരുവിലേയ്‌ക്ക് പോകാനായാണ് അദേഹം ഇവിടെയെത്തിയത്. തമിഴ്‌നാട് പോലീസ് ഇദേഹത്തെ കസ്റ്റഡിയിലെടുത്തിട്ടുണ്ട്. തോക്കിന് മതിയായ രേഖകളില്ലായെന്നാണ് ലഭിക്കുന്ന വിവരം.
പട്ടാമ്പി നഗരസഭ മുന്‍ ചെയര്‍മാനാണ് കെഎസ്ബിഎ തങ്ങള്‍.
