കോട്ടയം: വിവാഹ വാഗ്ദാനം നല്കി ദളിത് യുവതിയെ പീഡിപ്പിച്ചെന്ന പരാതിയില് ഡിവൈഎഫ്ഐ പ്രവര്ത്തകനെ പോലീസ് അറസ്റ്റ് ചെയ്തു. കോട്ടയം കൊടുമ്പിടി മാക്കുന്നേല് സുദീപ് സന്തോഷ് (25) നെയാണ് പാലാ പോലീസ് അറസ്റ്റ് ചെയ്തത്. പാലായിലെ ഒരു സ്വകാര്യ സ്ഥാപനത്തില് ജോലിക്കാരിയായിരുന്ന യുവതിയെ വിവാഹ വാഗ്ദാനം നല്കി പീഢിപ്പിക്കുകയായിരുന്നു.
പ്രണയത്തില് നിന്നും വിവാഹ വാഗ്ദാനത്തില് നിന്നും ഇയാള് പിന്മാറിയതോടെ യുവതി പാലാ എസ്എച്ച്ഒ കെ.പി.ടോംസണ് പരാതി നല്കി. യുവതിയുടെ സ്വകാര്യ ചിത്രങ്ങള് സുദീപ് മൊബൈലില് പകര്ത്തിയതായും യുവതി പരാതിയില് പറയുന്നു. ഇത് സംബന്ധിച്ച് കൂടുതല് അന്വേഷണങ്ങള് നടത്തുമെന്ന് പോലീസ് അറിയിച്ചു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
