തിരുവനന്തപുരം: കേരളത്തെ ഞെട്ടിച്ച പോത്തന്കോട് അരുംകൊലയില് കൂടുതല് വിവരങ്ങള് പുറത്ത്. സുധീഷിനെ കൊലപ്പെടുത്തിയത് കഞ്ചാവ് വില്പ്പനയുമായി ബന്ധപ്പെട്ട തര്ക്കമാണെന്നു പോലാസിനു വിവരം ലഭിച്ചു. കൊലയാളി സംഘത്തിലെ പ്രധാനിയായ ആഴുര് ഉണ്ണി ഉള്പ്പെടെ മൂന്ന് പേരെ സുധീഷ് ദിവസങ്ങള് മുന്പ് ആറ്റിങ്ങലില് വെച്ച് ആക്രമിച്ചിരുന്നു. ഇതിന്റെ പ്രതികാരമാണ് ഒട്ടകം എന്ന വിളിപ്പേരിലറിയപ്പെടുന്ന രാജേഷിനൊപ്പം ചേര്ന്ന് നടപ്പിലാക്കിയത്. അതേസമയം കൊലയാളി സംഘത്തില് സുധീഷിന്റെ സഹോദരി ഭര്ത്താവുമുണ്ടായിരുന്നതായി പൊലീസിന് സൂചന ലഭിച്ചിട്ടുണ്ട്. സംഘത്തില് സുധീഷിന്റെ മറ്റു ചില ബന്ധുക്കളും ഉള്പ്പെട്ടിട്ടുണ്ടെന്നും വിവരമുണ്ട്.
പത്ത് പേരാണ് പൊലീസിന്റെ കസ്റ്റഡിയിലുള്ളത്. ഇതില് മൂന്ന് പേര് കൊലപാതകത്തില് നേരിട്ട് പങ്കെടുത്തവരാണ്. രാജേഷും ഉണ്ണിയും ഒളിവില് തുടരുകയാണ്. വ്യക്തമായ ആസൂത്രണത്തോടെയാണ് കൊലയാളി സംഘം സുധീഷിനെ തേടിയെത്തിയത്. ആറ്റിങ്ങല് കേസില് ഒളിവില് കഴിഞ്ഞിരുന്ന സുധീഷിനെ തേടി മൂന്നിലധികം ഗ്രൂപ്പുകളായിട്ടാണ് പ്രതികളെത്തിയത്.
ഓടി രക്ഷപ്പെടുന്നതിന് പകരും സുധീഷ് ബന്ധുവീട്ടിലേക്ക് ഓടിക്കയറിയുകയായിരുന്നു. ഉണ്ണിയും രാജേഷും മാത്രമാണ് വെട്ടിയതെന്നാണ് വിവരം. വെട്ടുന്നതിന് മുന്പ് ബോംബെറിഞ്ഞു. അറ്റുപോയ ഇടതു കാല് ചുമലില് എടുത്ത് പുറത്തേക്ക് നടന്നു. ഏകദേശം നൂറോളം വെട്ടുകളാണ് സുധീഷിന്റെ ശരീരത്തിലുണ്ടായിരുന്നത്.
