കലാഭവന് മണി, വിക്രം എന്നിവര്ക്കു ശേഷം ലെന്സില്ലാതെ അന്ധനായി മാസ്റ്റര് വിഷ്ണു ഹരി പ്രധാന കഥാപാത്രത്തെ അവതരിപ്പിക്കുന്ന ‘ഉള്ക്കാഴ്ച’ പ്രദര്ശനത്തിന്. നവാഗതനായ രാജേഷ് രാജ് സംവിധാനം ചെയ്യുന്ന ഈ ചിത്രത്തില് മാസ്റ്റര് വിഷ്ണു ഹരിയെ കൂടാതെ നെല്സണ്, സന്തോഷ് കീഴാറ്റൂര്, മനു രാജ്, നാരായണന്കുട്ടി, വിജയ് ശങ്കര്, ബിനീഷ് ഭാസി, കോട്ടയം പുരുഷന്, കോഴിക്കോട് ജയരാജ്, രമേഷ് കുറുമശ്ശേരി, സുന്ദര് പാണ്ഡ്യന്, ടോണി, കോബ്രാ രാജേഷ്, അശോകന് ശക്തികുളങ്ങര, ശ്രീജിത്ത്, പ്രവീണ് കൊടുന്തറ, വിശ്വംഭരന്, ശ്രീധരന്, അഭിലാഷ്, അഞ്ജലി നായര്, കുളപ്പുള്ളി ലീല, സീമ ജി. നായര്, തസ്ലീമ, അംബികാ മോഹന്, കൃഷ്ണപ്രഭ തുടങ്ങിയവര് അഭിനയിക്കുന്നു.
ഒപ്പം, നടന് ജയസൂര്യയുടെ സഹോദരിയുടെ മകന് അതുല് കൃഷ്ണ, ഹിറ്റ് ആല്ബങ്ങളിലൂടെ ശ്രദ്ധേയനായ സലിം കോടത്തൂര്, തമിഴിലെ സൂപ്പര് ഹിറ്റായ രാക്ഷസയിലെ താരമായ വിനോദ് സാഗര്, ശ്രീപദം സീരിയല് ഫെയിം തസ്ലീമ തുടങ്ങിയവര് ആദ്യമായി ഈ ചിത്രത്തില് അഭിനയിക്കുന്നുണ്ട്.
സരസ്വതി ഫിലിംസിന്റെ ബാനറില് ബിജോയ് ബാഹുലേയന് നിര്മിക്കുന്ന ഈ ചിത്രത്തിന്റെ ഛായാഗ്രഹണം-നജീം ഷാ, പ്രശാന്ത് മാധവന് എന്നിവര് നിര്വ്വഹിക്കുന്നു. രൂപേഷ് കല്ലിങ്കല്, ബിജോയ് ബാഹുലേയന് എന്നിവര് ചേര്ന്ന് തിരക്കഥ, സംഭാഷണമെഴുതുന്നു. ജയമോഹന് കടുങ്ങല്ലൂര് എഴുതിയ വരികള്ക്ക് വിഷ്ണു ദാസ്, ഗോപന് കെ. കെ. എന്നിവര് സംഗീതം പകരുന്നു.
