ലാല്ജോസ് സംവിധാനം ചെയ്യുന്ന ‘മ്യാവു’ എന്ന ചിത്രത്തിലെ സൗബിന് സാഹിര് പാടിയ പ്രമോഗാനം പുറത്തിറക്കി. സൗബിന് സാഹിര്, മംമ്ത മോഹന്ദാസ് എന്നിവരെ പ്രധാന കഥാപാത്രങ്ങളാകുന്ന ചിത്രത്തിലെ ‘ചുണ്ടെലി ചുരുണ്ടെലി’ എന്നാരംഭിക്കുന്ന ഗാനമാണ് പുറത്തിറങ്ങിയത്. എംജെ ഫിലിംസ് നിര്മിക്കുന്ന ചിത്രം പൂര്ണ്ണമായും ദുബായിലാണ് ചിത്രീകരിച്ചിരിക്കുന്നത്. ഡിസംബര് 24-ന് സിനിമ തിയ്യേറ്ററുകളിലേക്കെത്തും.
അറബിക്കഥ, ഡയമണ്ട് നെക്ലേസ്, വിക്രമാദിത്യന് എന്നീ സൂപ്പര്ഹിറ്റ് വിജയ് ചിത്രങ്ങള് ശേഷം ലാല്ജോസി നുവേണ്ടി ഡോ. ഇക്ബാല് കുറ്റിപ്പുറം തിരക്കഥ എഴുതുന്ന സിനിമയാണ് ഇത്. സലിംകുമാര്, ഹരിശ്രീ യൂസഫ് തുടങ്ങിയവര്ക്കൊപ്പം രണ്ടു കുട്ടികളും ഒരു പൂച്ചയും ചിത്രത്തില് സുപ്രധാന കഥാപാത്രങ്ങളായി പ്രത്യക്ഷപ്പെടുന്നു. ഗള്ഫില് ജീവിക്കുന്ന ഒരു സാധാരണ കുടുംബത്തിന്റെ കഥ പറയുന്ന ചിത്രമാണ് മ്യാവു. പ്രവാസി മലയാളിയായ ഇക്ബാല് കുറ്റിപ്പുറത്തിന്റെ തിരക്കഥയില് പൂര്ണമായും യുഎഇയില് ചിത്രീകരിക്കുന്ന ചിത്രമാണ് ഇത്.
തോമസ് തിരുവല്ല ഫിലിംസിന്റെ ബാനറില് തോമസ് തിരുവല്ല നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം അജ്മല് സാബു നിര്വഹിക്കുന്നു. സുഹൈല് കോയയുടെ വരികള്ക്ക് ജസ്റ്റിന് വര്ഗീസ് സംഗീതം പകരുന്നു. ലൈന് പ്രൊഡ്യുസര്- വിനോദ് ഷൊര്ണ്ണൂര്, കല- അജയന് മങ്ങാട്, ചീഫ് അസോസിയേറ്റ് ഡയറക്ടര്- രഘു രാമ വര്മ്മ, പ്രൊഡക്ഷന് കണ്ട്രോളര്- രഞ്ജിത്ത് കരുണാകരന്. വാര്ത്ത പ്രചരണം- എ.എസ്. ദിനേശ്.
