മോഹന്ലാല്-പ്രിയദര്ശന് കൂട്ടുകെട്ടില് ഒരുങ്ങുന്ന മരക്കാര് തിയറ്ററില് കാണാന് ജീവനക്കാര്ക്ക് അവധി നല്കി ചെന്നൈയിലെ സ്വകാര്യ കമ്പനി. പികെ ബിസിനസ് സൊല്യൂഷന്സ് എന്ന കമ്പനിയാണ് മരക്കാര് റിലീസുമായി ബന്ധപ്പെട്ട് ജീവനക്കാര്ക്ക് ഡിസംബര് രണ്ട്, മൂന്ന് തീയതികളില് അവധി നല്കിയത്. അവധി നല്കികൊണ്ട് കമ്പനി പുറത്തിറക്കിയ റിലീസ് സോഷ്യല് മീഡിയയില് വൈറലായിട്ടുണ്ട്. മോഹന്ലാല് ആരാധകര് നിരവധി ഫേസ്ബുക്ക് പേജുകളിലൂടെ പ്രസ്താവന പുറത്തുവിട്ടിട്ടുണ്ട്.
ഇന്നു അര്ദ്ധരാത്രി 12.1 മുതല് മരക്കാര് സിനിമ പ്രദര്ശനത്തിനെത്തും. കേരളത്തിലെ അറുനൂറ് സ്ക്രീനുകളിലും തമിഴ്നാട്ടിലെ 350 സ്ക്രീനുകളിലും മരക്കാര് പ്രദര്ശിപ്പിക്കും. ജിസിസിയില് 300 സ്ക്രീനുകളിലും മരക്കാര് റിലീസ് ഉറപ്പിച്ചിട്ടുണ്ട്. കേരളത്തില് റിലീസ് പ്രഖ്യാപിച്ച എല്ലാ കേന്ദ്രങ്ങളിലെയും ടിക്കറ്റുകള് വിറ്റു പോയിട്ടുണ്ട്.
തിയറ്ററിലേക്കുള്ള വരവ് അറിയിച്ച് മരക്കാര് അറബിക്കടലിന്റെ സിംഹം സിനിമയുടെ ഗ്രാന്ഡ് ട്രെയിലര് ഇന്നലെ പുറത്തുവിട്ടിരുന്നു. മികച്ച സങ്കേതിക വിദ്യത്തില് തീര്ത്തിരിക്കുന്ന സിനിമയിലെ പ്രധാന യുദ്ധരംഗങ്ങളാണ് ട്രെയിലറില് ഉള്ക്കൊള്ളിച്ചിരിക്കുന്നത്.
ആദ്യ ടീസറിനെ പ്രശംസിച്ചുകൊണ്ടുള്ള ഫേസ്ബുക്കിന്റെ കമന്റും ശ്രദ്ധപിടിച്ചു പറ്റിയിരുന്നു.നെടുമുടി വേണു, മഞ്ജു വാര്യര്, പ്രണവ് മോഹന്ലാല്, കല്ല്യാണി പ്രിയദര്ശന്, മുകേഷ്, സുനില് ഷെട്ടി,ഇന്നസെന്റ്, മാമുക്കോയ തുടങ്ങിയ താരങ്ങളുടെ നീണ്ട നിര തന്നെ ചിത്രത്തിലുണ്ട്.
