കോഴിക്കോട്: വിവാദ പരാമര്ശവുമായി മുസ്ലീം മതപണ്ഡിതന് കോടമ്പുഴ ബാവ മുസ്ലിയാര്. സ്ത്രീകള് അന്യപുരുഷന്മാരോട് സലാം പറയുന്നത് ഹറാമാണെന്ന് മുസ്ല്യാര് പറഞ്ഞു. സ്ത്രീയുടെ പ്രതികരണങ്ങളും, സൗമ്യമായ പെരുമാറ്റങ്ങളും പുരുഷനെ സ്വാധീനിക്കുന്നതിനാല് ഇത്തരം രീതികള് ഒഴിവാക്കണമെന്നും അല്ലാത്ത പക്ഷം വലിയ അപകടം വന്നുചേരുമെന്നും മുസ്ല്യാര് പറഞ്ഞു.
വിരൂപിണികള്ക്കും വൃദ്ധകള്ക്കും ആര്ക്കുവേണോ സലാം പറയാനമെന്നും മുസ്ല്യാര് പറഞ്ഞു. ദാറുള് മാരിഫ് എന്ന യുട്യൂബ് ചാനലിലൂടെ പുറത്തുവിട്ട വീഡിയോയിലാണ് ഇയാളുടെ പരാമര്ശം.
കേരളത്തിലെ അറിയപ്പെടുന്ന മുസ്ലിം പണ്ഡിതനായ കോടമ്പുഴ ബാവ കണ്ണിപ കോടമ്പുഴ ദാറുല് മആരിഫ് ഇസലാമിക് സെന്ററിന്റെ സ്ഥാപകനാണ്. ഇയാള് 1988 – 2000 കാലഘട്ടത്തില് കേരള ഗവണ്മെന്റിന്റെ സ്കൂള് അറബി പാഠപുസ്തക രചനാസമിതിയിലും അംഗമായിട്ടിട്ടുണ്ട്. ഇയാളുടെ ഗ്രന്ഥങ്ങളാണ് സുന്നി വിദ്യാഭ്യാസ ബോര്ഡിന്റെ സിലബസില് പഠിപ്പിക്കുന്നത്.
