ആരാധകര് ആവേശത്തോടെ കാത്തിരിക്കുന്ന ബ്രഹ്മാണ്ഡ ചിത്രം മരക്കാര് അറബിക്കടലിന്റെ സിംഹത്തിന്റെ ടീസര് പുറത്തിറങ്ങി. സെക്കന്റുകള് മാത്രം ദൈര്ഘ്യമുള്ള ചിത്രത്തിന്റ ടീസര് കണ്ണഞ്ചിപ്പിക്കുന്ന ദൃശ്യ വിസ്മയമാണ് കാഴ്ച വയ്ക്കുന്നത്. മോഹന്ലാല് പ്രിയദര്ശന് കൂട്ടുകെട്ടില് ഒരുങ്ങുന്ന ചിത്രത്തില് പ്രണവ് മോഹന്ലാല്, അര്ജുന്, സുനില് ഷെട്ടി, പ്രഭു, മഞ്ജു വാര്യര്, സുഹാസിനി, കീര്ത്തി സുരേഷ്, കല്യാണി പ്രിയദര്ശന്, ഫാസില്, സിദ്ദിഖ്, നെടുമുടി വേണു, ഇന്നസെന്റ് തുടങ്ങിയ വലിയ താരനിര തന്നെയുണ്ട്. സാബു സിറിലാണ് ചിത്രത്തിന്റെ കലാ സംവിധാനം. 100 കോടി മുതല് മുടക്കിലാണ് ചിത്രം നിര്മ്മിച്ചിരിക്കുന്നത്. ആശിര്വാദ് സിനിമാസിന്റെ ബാനറില് ആന്റെണി പെരുമ്പാവൂരാണ് ചിത്രം നിര്മ്മിച്ചത്.
1996ല് മോഹന്ലാലും പ്രിയദര്ശനും കുഞ്ഞാലി മരക്കാര് നിര്മ്മിക്കുന്നത് സംബന്ധിച്ച് ചര്ച്ച നടത്തിയിരുന്നു. എന്നാല് ആ കാലഘട്ടത്തില് സാങ്കേതിക വിദ്യകള് കുറവായിരുന്നതിനാലാണ് ചിത്രം ഇറങ്ങാന് ഇത്രയും കാലതാമസം എടുത്തത്. മലയാള സിനിമ ചരിത്രത്തില് ഇത്രയും വലിയ ബഡ്ജറ്റില് ഇറങ്ങുന്ന ചിത്രം വലിയ പ്രതീക്ഷയാണ് ആരാധകര്ക്ക് നല്കുന്നത്. മരക്കാര് സൂപ്പര് ഹിറ്റ് ചിത്രമെന്ന് പ്രിവ്യൂഷോ റിപ്പോര്ട്ടുകള് നേരത്തെ സൂചിപ്പിച്ചിരുന്നു.ഡിസംബര് രണ്ടിനാണ് ചിത്രം തിയേറ്ററുകളില് പ്രദര്ശനത്തിന് എത്തുന്നത്.
