മലപ്പുറം: വൃത്തിയായി ഒരുങ്ങുന്ന സ്ത്രീകള് വ്യഭിചാരിണിയാണെന്ന കടുത്ത സ്ത്രീവിരുദ്ധത പ്രസംഗവുമായി ഇസ്ലാമിക പണ്ഡിതന് സിറാജുള് ഇസ്ലാം ബാലുശ്ശേരി. സുഗന്ധമൊ അത്തറോ പൂശി നടക്കുന്ന പെണ്ണുങ്ങള് എല്ലാ വ്യഭിചാരത്തിന് താല്പര്യമുള്ളവരാണ്. മറ്റൊരു പുരുഷന് തന്നെ നോക്കട്ടെ എന്നും തന്നെ ഭംഗി ആസ്വദിക്കട്ടെ എന്നും വിചാരിക്കുന്ന സ്ത്രീകളാണ് ദേഹത്ത് സുഗന്ധവ്യഞ്ജനങ്ങള് പൂശുന്നത്.
ഭര്ത്താവ് അല്ലാതെ മറ്റൊരു പുരുഷന് തന്റെ ശരീരത്തില് തൊടരുതെന്നും ഭര്ത്താവ് അല്ലാതെ മറ്റൊരു പുരുഷന് തന്നെ നോക്കരുതെന്നും ആഗ്രഹിക്കുന്ന ഒരു സ്ത്രീ ഒരിക്കലും സുഗന്ധവ്യഞ്ജനങ്ങള് പൂശില്ല. സുഗന്ധദ്രവ്യങ്ങള് പൂശി അന്യപുരുഷനെ തന്നിലേക്ക് ശ്രദ്ധ ആകര്ഷിക്കുന്ന സ്ത്രീയുടെ മനസ്സ് വ്യഭിചാരിയുടെ മനസ്സാണാണെന്നും അദേഹം ഫേസ്ബുക്ക് പേജില് പോസ്റ്റ് ചെയ്ത വീഡിയോയില് പറയുന്നു.
മുസ്ലീം സ്ത്രീകള് ഏതൊരു ജോലി ചെയ്യുമ്പോഴും അല്ലാഹുവിനെ വിളിക്കണമെന്നും അദേഹം ആഹ്വാനം ചെയ്യുന്നു. രാവിലെ മുതല് വൈകിട്ട് വരെ സ്ത്രീകള് ജോലി ചെയ്യുന്നുണ്ട്. ഇതിനിടെ എല്ലാം അല്ലാഹുവിനെ വിളിക്കണം. ഇങ്ങനെ വിളിക്കുന്നവര്ക്ക് സ്വര്ഗം ലഭിക്കുമെന്നും അദേഹം വീഡിയോയില് പറയുന്നുണ്ട്. നേരത്തെ രാത്രി ഒന്പത് മണിക്ക് ശേഷം പുറത്തിറങ്ങുന്ന സ്ത്രീകള് വ്യഭിചാരികളാണെന്ന് സ്വാലിഹ് ബത്തേരി എന്ന ഇസ്ലാമിക പണ്ഡിതന് പറഞ്ഞിരുന്നു. ഇതുവലിയ വിവാദമായിരുന്നു. തുടര്ന്ന് കേരളാ പോലീസില് പരാതി നല്കിയെങ്കിലും നടപടി എടുത്തില്ല.
