കോഴിക്കോട്: അലനും താഹയും പ്രതികളായ പന്തീരങ്കാവ് യുഎപിഎ കേസില്‍ പാര്‍ട്ടിക്ക് തെറ്റുപറ്റിയിട്ടില്ലെന്ന് സിപിഎം കോഴിക്കോട് സൗത്ത് ഏരിയാ സമ്മേളനത്തിലെ വിമര്‍ശനത്തിനാണ് ജില്ലാ സെക്രട്ടറിയുടെ പി. മോഹനന്‍ ഇക്കാര്യം പറഞ്ഞത്. അലനും താഹയും മാവോയിസ്റ്റ് ആശയങ്ങളുമായി ബന്ധം പുലര്‍ത്തി.
അലനെയും താഹയെയും മാവോയിസ്റ്റ് ബന്ധം ആരോപിച്ച് അറസ്റ്റ് ചെയ്ത നടപടിയില്‍ ജാഗ്രത കുറവ് ഉണ്ടായെന്ന് രണ്ടു ലോക്കല്‍ കമ്മിറ്റികള്‍ വിമര്‍ശിച്ചതിനോടായിരുന്നു മോഹനന്‍ വ്യക്തമായ മറുപടി നല്‍കിയത്. പൊലീസ് വിഷയം പഠിക്കാതെ കേസെടുക്കാന്‍ ധൃതി കാട്ടുകയാണ് ചെയ്തത്. അലനും താഹയും പാര്‍ട്ടിക്കുടുംബമാണ്. ആത്യാന്തികമായി പാര്‍ട്ടിക്ക് നഷ്ടമാണുണ്ടായതെന്നും പ്രതിനിധികള്‍ ചൂണ്ടിക്കാട്ടിയിരുന്നു.
അലനും താഹയും സി.പി.ഐ.എമ്മില്‍ പ്രവര്‍ത്തിക്കുമ്പോള്‍ തന്നെ മാവോയിസ്റ്റ് ആശയങ്ങളുമായി ബന്ധം പുലര്‍ത്തിയെന്നും ഈ വിഷയത്തില്‍ പാര്‍ട്ടിക്ക് എല്ലാ കാലത്തും ഒരേ നിലപാടാണെന്നും അദ്ദേഹം വ്യക്തമാക്കി. മാവോയിസ്റ്റ് ബന്ധം ആരോപിച്ച് അലനെയും താഹയേയും 2019 നവംബര്‍ ഒന്നിനാണ് പന്തീരാങ്കാവ് പൊലീസ് അറസ്റ്റു ചെയ്തത്. അറസ്റ്റ് ചെയ്ത് ഒരു മാസത്തിനുള്ളില്‍ കേസ് അന്വേഷണം എന്‍.ഐ.എ ഏറ്റെടുക്കുകയായിരുന്നു. കേസില്‍ ജയിലിലായിരുന്ന ത്വാഹയ്‌ക്ക് കഴിഞ്ഞ മാസം 28ന് ആണ് സുപ്രീംകോടതി ജാമ്യം നല്‍കിയത്.
