പുനലൂര്: സിപിഎമ്മിന്റെ ഏകാധിത്യ നടപടികളിലും പാര്ട്ടി വിരുദ്ധ പ്രവര്ത്തനങ്ങളിലും പ്രതിഷേധിച്ച് പഞ്ചായത്ത് അംഗത്തിന്റെ നേതൃത്വത്തില് മുന് ലോക്കല് കമ്മിറ്റി അംഗങ്ങള് അടക്കം നൂറു കണക്കിന് പ്രവര്ത്തകര് സിപിഎം വിട്ടു.
സിപിഎം പ്രതിനിധിയായ കരവാളൂര് ഗ്രാമപഞ്ചായത്തംഗവും കശുവണ്ടി തൊഴിലാളി യൂണിയന് (സിഐടിയു) പുനലൂര് ഏരിയാ കമ്മിറ്റി പ്രസിഡന്റുമായ എസ്.പ്രദീപ്, വെഞ്ചേമ്പ് ക്ഷീര സഹകരണ സംഘം പ്രസിഡന്റും ചേറ്റുകുഴി ബ്രാഞ്ച് സെക്രട്ടറിയുമായ കുഞ്ഞുമോന്, മാത്ര സര്വീസ് സഹകരണ ബാങ്ക് ഡയറക്ടര് ജി. മനു, അജയകുമാര് അടക്കമുള്ളവരാണ് പാര്ട്ടി വിട്ടത്. സിപിഎമ്മിലെ അഭിപ്രായ വ്യത്യാസം കാരണം തുടര്ച്ചയായി കരവാളൂര് പഞ്ചായത്ത് ഭരണം ഇടതു മുന്നണിക്ക് നഷ്ടപ്പെട്ടതായി എസ്.പ്രദീപ് വാര്ത്താ സമ്മേളനത്തില് ആരോപിച്ചു.
ഇടതു മുന്നണി ഭരിച്ചു കൊണ്ടിരുന്ന പഞ്ചായത്തില് സിപിഎമ്മിന്റെ മൂന്ന് സ്വതന്ത്ര അംഗങ്ങളാണ് ഇപ്പോഴുള്ളത്. അടുത്ത പഞ്ചായത്ത് തെരഞ്ഞെടുപ്പില് സിപണ്ടിഎമ്മിന് ഒരു സീറ്റു പോലും ലഭിക്കില്ല. കഴിഞ്ഞ പഞ്ചായത്ത് തെരഞ്ഞെടുപ്പില് പല വാര്ഡുകളിലും സിപിഎമ്മിന്റെ സ്ഥാനാര്ത്ഥി മുന്നാം സ്ഥാനത്തെത്തിയിരുന്നു. പാര്ട്ടി നയങ്ങള് കാറ്റില് പറത്തുന്ന നേതാക്കള് പ്രവര്ത്തകരെ കള്ളകേസില് കുടുക്കി എതിരാളികളുടെ തോളില് കൈയിട്ടു നടക്കുന്ന അവസ്ഥയാണിപ്പോള്. ഇതില് പ്രതിഷേധിച്ച് നിരവധി പേര് മെമ്പര് ഷിപ്പ് പുതിയില്ലും പഞ്ചായത്ത് മെമ്പര് സ്ഥാനം ഒഴിയില്ലെന്നും പ്രദീപ് പറഞ്ഞു. കുഞ്ഞുമോന്, ജി.മനു, അജയകുമാര് എന്നിവര് വാര്ത്താ സമ്മേളനത്തില് പങ്കെടുത്തു.
